Naseeruddin Shah: '...म्हणून मी हिंदी चित्रपट पाहत नाही' नसरुद्धीन शहांचे मोठे वक्तव्य

Naseeruddin Shah: बॉलीवूडचे कलाकार नेहमीच चर्चेत असतात. चर्चेत असण्याची कारणे नेहमी वेगवेगळी असते. कधी चित्रपट, कधी वक्तव्ये तर कधी वैयक्तिक आयुष्य तर कधी सोशल मिडियावर शेअर केलेल्या पोस्ट असतात. आता आपल्या उत्कृष्ट अभिनयासाठी ओळखल्या जाणाऱ्या नसरुद्धीन शहा यांनी आता हिंदी चित्रपटसृष्टीवर मोठे वक्तव्य केले आहे.

एका मुलाखतीदरम्यान हिंदी चित्रपटसृष्टीवर वक्तव्य केले आहे. ते म्हणतात- हिंदी चित्रपटसृष्टीच्या सद्यस्थितीमुळे मी निराश आहे. मी हिंदी सिनेमा पाहणे बंद केले आहे. हिंदी चित्रपटसृष्टीला 100 वर्षे पूर्ण झाल्याचा अभिमान वाटतो. पण सध्या मी हिंदी चित्रपट पाहणे बंद केले आहे, मला हे अजिबात आवडत नाहीत.

73 वर्षीय अभिनेते नसीरुद्दीन शाह पुढे म्हणाले की, जगभरात हिंदी चित्रपट पाहिले जातात कारण भारतीयांना या चित्रपटांनी मूळ आणि त्यांच्या मातृभूमीशी जोडलेले आहे. पण आता चित्रपट वेगळ्या पद्धतीचे बनत आहेत. अशाच गोष्टी चालू राहिल्या तर लवकरच सर्वांना कंटाळा येईल. ते म्हणाले, 'हिंदुस्थानी पदार्थ सर्वत्र आवडतात कारण त्यात पदार्थ चव असते. तसच चित्रपटांचेदेखील आहे.

हिंदी चित्रपटांची ताकद काय आहे? जगभरात आपल्या चित्रपटांवर सर्वत्र लक्ष ठेवले जाते. मात्र लवकरच आपल्या हिंदी चित्रपटांचा लोकांना कंटाळा येईल कारण त्यात काही अर्थ नाही. पुढे बोलताना म्हणतात- हे सगळं तेव्हा थांबू शकते जेव्हा लोक चित्रपटनिर्मितीला पैसे कमावण्याचे साधन मानणे बंद करतील.

नसरुद्धीन शहांनी आपल्या करिअरमध्ये अनेक भाषांमध्ये शंभरहून अधिक चित्रपट केले आहेत. 'उमराव जान', 'जाने भी दो यारो', 'हीरो हिरालाल', 'कभी हान कभी ना', 'ओंकारा', 'ए वेनस्डे!', 'द डर्टी' अशा चित्रपटांसाठी ते ओळखले जातात. याबरोबरच त्यांनी 'युं होता तो क्या होता' या नाटकाचे दिग्दर्शनही केले.