'जर्सी'च्या शूटिंगवेळी मृणाल ठाकूरला होती 'ही' भीती

'जर्सी' (Jersey) चित्रपटाच्या प्रमोशनसाठी 'द कपिल शर्मा शो'मध्ये बॉलिवूड अभिनेता शाहिद कपूर आणि मृणाल ठाकूर पोहोचले होते. कपिल शर्माच्या संपूर्ण टीमने कलाकारांसोबत खूप मस्ती केली. मृणाल ठाकूरने या चित्रपटाच्या शूटिंगदरम्यान तिला सर्वात जास्त कशाची भीती वाटत होती हे सांगितले.

'द कपिल शर्मा शो'च्या लेटेस्ट एपिसोडमध्ये मृणाल ठाकूरने (Mrunal Thakur) सांगितले की, एका टीव्ही सीरियलमधील एका सीनच्या शूटिंगदरम्यान अभिनेत्रीने अभिनेत्याला थप्पड मारली, ज्यावर अभिनेता चांगलाच संतापला आणि तो देखील अभिनेत्रीवर चिडला. मृणालने सांगितले की, ते दृश्य त्याच्या डोक्यात बसले होते. त्यामुळे चित्रपटाच्या शूटिंगदरम्यान तिला शाहिदला (Shahid Kapoor) थप्पड मारावी लागली तेव्हा ती घाबरली होती.

कॉमेडी शोमध्ये कपिल शर्माने (Kapil Sharma) शाहिद कपूरला विचारले की लग्नानंतर तो किती बदलला आहे. शाहीद कपूरने उत्तर दिले की, लग्नापूर्वी मी स्टार होतो. त्याच बरोबर लग्नानंतर तो लाचार बिचारा झाला आहे, बायको-मुलं जे काही म्हणतील तेच करतो.

कपिल शर्माच्या (Kapil Sharma) लेटेस्ट एपिसोडमध्ये कपिल शर्माने कर्णधारपद सोडणाऱ्या विराट कोहलीचीही खिल्ली उडवली. खरं तर, चंदू चायवाला म्हणजेच चंदन प्रभाकरने क्रिकेटची आवड व्यक्त केली, त्यानंतर चंदू म्हणाला, सर, तुमचा चित्रपट क्रिकेटवर येतोय, त्यामुळे मलाही क्रिकेटमध्ये रस आहे असं मला म्हणायचं आहे. यावर कपिल शर्मा म्हणतो की, जेव्हापासून यात रस घेतला तेव्हापासून विराट कोहलीने कर्णधारपद सोडले आहे. कपिल शर्मा इतकं बोलताच शाहिद कपूर हसला.