Mahima Chaudhry Birthday: 'या' चित्रपटाच्या शूटिंगदरम्यान अपघात; महिमा चौधरीचा हा किस्सा माहित आहे का?

बॉलिवूड अभिनेत्री महिमा चौधरी (Mahima Chaudhry) आज तिचा 49 वा वाढदिवस साजरा करत आहे. महिमाची फिल्मी कारकीर्द काही खास नव्हती पण ती परदेस चित्रपटातून प्रसिध्दीस आली. परंतु असे असूनही ती इंडस्ट्रीत अपेक्षित स्थानापर्यंत पोहोचू शकली नाही. महिमाने जाहिरातींमधून ग्लॅमर इंडस्ट्रीत प्रवेश केला. मॉडेलिंगच्या ऑफर्समुळे तिला अभ्यासही सोडावा लागला होता.

मॉडेलिंगशिवाय महिमाने एका म्युझिक चॅनलमध्ये व्हीजे म्हणून काम केले. येथे त्यांच्यामुळे प्रभावित होऊन चित्रपट निर्माते सुभाष घई यांनी तिला परदेस (Pardes) चित्रपटाची ऑफर दिली. खरे तर परदेस चित्रपटासाठी सुभाष घई नव्या चेहऱ्याच्या शोधात होते. त्यांनी तीन हजार मुलींचे ऑडिशन घेतले होते पण तरीही काही निष्पन्न झाले नाही आणि त्याचा शोध अखेर महिमावरच संपला. त्यावेळी महिमाचे खरे नाव रितू चौधरी होते.

अशा परिस्थितीत सुभाष घई यांनी त्यांना नाव बदलण्याचा सल्ला दिला आणि रितूवरून महिमा असे नाव बदलले. इथून अभिनेत्री महिमा चौधरी म्हणून ओळखली जाऊ लागली. परदेससाठी त्यांना फिल्मफेअरचा सर्वोत्कृष्ट पदार्पण पुरस्कारही मिळाला. यानंतर महिमाच्या करिअरला सुरुवात झाली आणि तिला दाग द फायर, धडकन, कुरुक्षेत्र, दिल है तुम्हारा यांसारख्या चित्रपटांमध्ये काम करण्याची संधी मिळाली. पण हे चित्रपट बॉक्स ऑफिसवर कमाल दाखवू शकले नाहीत. दरम्यान, एका अपघाताने महिमाचा कणा मोडला.

'दिल क्या करे' या चित्रपटाच्या शूटिंगसाठी जात असताना त्यांच्या कारला अपघात झाला, ज्यात महिमा गंभीर जखमी झाली. सुमारे 67 काचेचे तुकडे त्यांच्या चेहऱ्यावर घुसले होते, जे मोठ्या कष्टाने काढण्यात आले. या अपघाताचा महिमावर शारीरिक आणि मानसिकदृष्ट्या खूप वाईट परिणाम झाला आणि त्यामुळेच तिला काही वर्षे चित्रपट करता आले नाहीत. दरम्यान, महिमाने 2006 मध्ये बिझनेसमन बॉबी मुखर्जीसोबत लग्न केले आणि ती एका मुलीची आई झाली, पण लग्नानंतर काही वर्षांतच बॉबी आणि महिमाचा घटस्फोट झाला. आता महिमा सिंगल मदर आहे आणि एकटीच आपल्या मुलीला वाढवत आहे.