Shah Rukh Khan Video: शाहरुख खानने आपल्या चाहत्यांना दिली 'ईदी'

Shah Rukh Khan Eid Wishes: बॉलिवूडचा किंग खान प्रत्येक वेळी ईदच्या निमित्ताने चाहत्यांच्या इच्छा पूर्ण करतो. शाहरुख खान दरवर्षी ईदच्या निमित्ताने घराबाहेर पडतो आणि चाहत्यांना शुभेच्छा देतो. शाहरुखने त्याची दरवर्षीची ही प्रथा यावर्षीही पूर्ण केली. बकरीदच्या निमित्ताने शाहरुख लहान मुलगा अबरामसोबत बाल्कनीत आला आणि चाहत्यांना शुभेच्छा दिल्या. शाहरुखचे हे फोटो सोशल मीडियावर व्हायरल होत आहेत.

ईदच्या निमित्ताने शाहरुख खानची एक झलक पाहण्यासाठी हजारो चाहते त्याच्या घराबाहेर जमतात. यंदाही मन्नतच्या बाहेर चाहते जमले आणि शाहरुखने चाहत्यांची इच्छा पूर्ण केली. चाहत्यांनी आपल्या आवडत्या सुपरस्टारला दुरूनच ईदच्या शुभेच्छा दिल्या.

अबरामने दिला वडिलांना आधार

शाहरुख चाहत्यांना भेटण्यासाठी बाहेर आला तेव्हा त्याचा धाकटा मुलगा अबरामही त्याच्यासोबत होता. यादरम्यान शाहरुख कॅज्युअल लूकमध्ये दिसला. त्याने पांढऱ्या टी-शर्टसोबत निळी कार्गो पॅन्ट घातली होती. त्याचवेळी अबराम लाल टी-शर्टसह डेनिममध्ये दिसला. अबरामनेही शाहरुखसोबत चाहत्यांना हाय-फाय केले.शाहरुख आणि अबरामचा हा फोटो व्हायरल झाला आहे.

शाहरुख खान बर्‍याच दिवसांनी अभिनयाच्या दुनियेत परतणार आहे. तो 'पठाण'मध्ये दिसणार आहे. या चित्रपटात त्याच्यासोबत दीपिका पदुकोण आणि जॉन अब्राहम मुख्य भूमिकेत दिसणार आहेत. शाहरुखकडे सध्या चित्रपटांची लाइन लागली आहे. 'पठाण'नंतर तो 'डंकी' आणि 'जवान'मध्ये दिसणार आहे.