बॉलिवूडमधील कतरिना कैफ आणि विकी कौशल यांची जोडी पॉवर कपल्सपैकी एक आहेत. लग्नगाठ बांधल्यानंतर त्यांना चाहत्यांचे खुप प्रेम मिळत आहे. ही ऑफस्क्रीन हिट जोडी लवकरच ऑनस्क्रीन एकत्र दिसणार असल्याची बातमी समोर आली आहे. यामुळे चाहत्यांमध्ये आनंदाचे वातावरण पाहायला मिळत आहे. बॉलिवूडलाइफच्या रिपोर्टनुसार, कतरिना आणि विकी लवकरच एका जाहिरातीत एकत्र काम करतांना दिसणार आहेत. (Katrina Kaif Vicky Kaushal News)
मिळालेल्या माहितीनुसार दोघेही 'डेकोर एॅड'मध्ये एकत्र काम करू शकतात. या जाहिरातीसाठी दोघेही शाहरुख खान आणि गौरी खानला रिप्‍लेस करत नाहीत. एक नवीन सेगमेंट असेल, ज्याला कतरिना आणि विकी यांनी मान्यता दिली आहे.
कतरिना आणि विकीला अनेक चित्रपट (Movie) आणि वेब सीरिजमध्ये काम करण्याच्या ऑफर मिळाल्या असल्या तरी त्यांना एकही आवडल्या नाही आणि काहीतरी चांगलं करण्याची त्यांची योजना आहे. मात्र एडच्या ऑफरबाबत त्याला सकारात्मक प्रतिसाद मिळाला आहे. जर असे खरोखर घडले तर दोघांच्या चाहत्यांसाठी ही खरोखरच आनंदाची बातमी असेल.
कतरिना आणि विकीने गेल्या वर्षी डिसेंबरमध्ये राजस्थानच्या सवाई माधोपूरमध्ये लग्नगाठ बांधली. बॉलिवूडमधील काही निवडक लोकांना आमंत्रित केले होते. दोघांचे फोटो सोशल मीडियावर खूप व्हायरल झाले आणि चाहत्यांना त्यांची जोडी खूप आवडली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
