बॉलीवूड स्टार कार्तिक आर्यनचा मागील चित्रपट भूल भुलैया बॉक्स ऑफिसवर हिट ठरला होता. यासह, कार्तिक 2022 मधील अशा काही अभिनेत्यांपैकी एक आहे, ज्यांच्या चित्रपटांना प्रेक्षकांनी डोक्यावर घेतलं होतं. कार्तिक आर्यन आता पुन्हा एकदा नव्या अंदाजात दिसणार आहे. त्याच्या 'सत्य प्रेम की कथा' या चित्रपटाचा फर्स्ट लूक समोर आला आहे. या चित्रपटात त्याच्यासोबत शेरशाह अभिनेत्री कियारा अडवाणीही दिसणार आहे. कार्तिक आर्यनने त्याच्या इंस्टाग्रामवर चित्रपटाचे पोस्टर आणि फर्स्ट लूक शेअर केला आहे.
कार्तिक-कियारा एकत्र दिसणार
नुकताच कार्तिक आर्यन आणि कियारा अडवाणी यांच्या 'सत्य प्रेम की कथा' या चित्रपटाचा फर्स्ट लूक रिलीज करण्यात आला आहे. या चित्रपटाची बऱ्याच दिवसांपासून चर्चा होत होती. चाहते देखील कार्तिक आर्यनच्या पुढच्या चित्रपटाची आतुरतेने वाट पाहत होते. या पोस्टरमध्ये कार्तिक आणि कियारा रोमँटिक अंदाजात दिसत आहेत. दोघेही एकमेकांना मिठी मारत आहेत. त्याचवेळी, चित्रपटाचा फर्स्ट लूक शेअर करताना, 'सत्तू आणि कथा. आजपासून प्रेमाची कहाणी सुरू होत आहे, असे कार्तिक कॅप्शन कार्तीकने या पोस्टला दिले आहे.
नुकतेच एका मीडिया इंटरव्यू दरम्यान कार्तिक आर्यन नेपोटिझमसह सर्व मुद्द्यांवर बोलला. तो म्हणाला की तो अजूनही इकॉनॉमी क्लासमध्ये प्रवास करतो. जेव्हा खूप गरज असते तेव्हाच मी बिझनेस क्लासने प्रवास करतो. जेव्हा लोक पैसे कमवू लागतात तेव्हा ते इकॉनॉमी क्लासमध्ये प्रवास करणे बंद करतात पण मी तसे केले नाही. माझीही काही स्वप्ने होती आणि अजूनही आहेत. चित्रपटसृष्टीत मला साथ देणारे कोणी नाही, असे म्हणत चित्रपट क्षेत्रात येताना झालेला त्रासही त्याने शेअर केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
