पतौडी घराण्याचा ब्लॅक स्टाईलीश लुक होतोय व्हायरल

बॉलिवूडमधील प्रसिध्द अभिनेत्री करीना कपूर तिच्या ग्लॅमरस लूक सतत चर्चेत असते. याच पाश्वभूमीवर करीना कपूर खानने तिच्या घरी BFF अमृता अरोराच्या वाढदिवसाची पार्टी अरेंज केली होती. यावेळी तिने सोशल मिडियावरील इंस्टाग्रामवरुन पार्टीचे फोटोही शेअर केले आहेत. या फोटोवर बेबोच्या चाहत्यांच्या भन्नाट प्रतिक्रीया आल्या आहेत.

दरम्यान, इन्स्टाग्रामवर शेअर केलेल्या फोटोमध्ये करीना कपूर खान (Kareena Kapoor Khan) बरोबर पती सैफ अली खान (Saif Ali Khan) आणि मोठा मुलगा तैमूर अनोखी आणि हटके पोज देताना दिसत आहेत. यावेळी तिघांनाही ब्लॅक ड्रेस परिधान केला होता. सैफ अली खान काळ्या रंगाचा कुर्ता आणि पायजामामध्ये दिसत आहे तर दुसरीकडे, करीनाने काळ्या रंगाचा वन पीस घातला आणि निळ्या रंगाच्या स्टिलेटोससह पेअर केला आहे. या दरम्यान, तैमूरने (Timur) काळ्या रंगाचा पोशाख परिधान केला होता.

तसेच, अमृताच्या वाढदिवसाच्या पार्टीतील फोटो तिच्या इन्स्टाग्रामवर शेअर करताना, करिनाने “माय बॉईज” असे कॅप्शन दिले आहे. करीना, करिश्मा आणि मलायका सोमवारी आपल्या मैत्रीणीच्या वाढदिवसानिमित्त एकत्र जमल्या होत्या. करिनाने तिच्या इंस्टाग्राम अकाऊंटवर अमृताचा एक फोटो शेअर केला असून गोंडस कॅप्शनसह शुभेच्छा दिल्या आहेत.

शिवाय, करीना लाल सिंग चड्ढा या चित्रपटाच्या रिलीजसाठी तयारी करत आहे. ज्यामध्ये ती आमिर खान सोबत दिसणार आहे. तिचा पती सैफ अली खान, 'विक्रम वेधा' च्या हिंदी रिमेकसाठी तयारी करत असून, त्यात हृतिक रोशनबरोबर मुख्य भूमिकेत दिसणार आहे.