Karan Kundra in Goa: गोव्याच्या किनारी अभिनेत्याचा दणक्यात वाढदिवस साजरा

Karan Kundra in Goa: मोठ्या पडद्यावर दिसणारे कलाकार असो किंवा छोट्या पडद्यावर कलाकार हे नेहमीच कोणत्या ना कोणत्या कारणाने चर्चेत असतात.

कधी ते त्यांच्या कामामुळे. कधी त्यांच्या सोशल मिडियावरील पोस्टमुळे तर कधी त्यांच्या वयामुळे हे कलाकार चर्चेत असतात.

आता टीव्ही कलाकार करण कुंदा आपल्या वाढदिवसामुळे चर्चेत आला आहे. गोव्यात त्याने आपला वाढदिवस दणक्यात साजरा केला आहे.

सोशल मिडियावर त्याने पोस्ट केलेले फोटो चांगलेच व्हायरल झाले आहेत. करणने त्याची गर्लफ्रेंड आणि प्रसिद्ध टीव्ही अभिनेत्री तेजस्वी प्रकाशबरोबर आपला वाढदिवस साजरा केला आहे.

आपल्या ३९ व्या वाढदिवसानिमित्त करण आणि तेजस्वी गोव्यात होते. त्यांनी केक कट केला, सोबत जेवण केले. रात्री गोव्याच्या किनारी एकमेकांसोबत वेळही घालवला.

आता त्यांनी शेअर केलेल्या व्हिडिओ आणि फोटोवर चाहते मोठ्या प्रमाणात कमेंट करत आहे. त्यांचे हे फोटो( Photo ) आणि व्हिडिओ सोशल मिडियावर व्हायरल झाले आहेत.

करण कुंद्रा आणि तेजस्वी प्रकाश

करण कुंद्रा आणि तेजस्वी प्रकाश यांची ओळख बीग बॉस १५ मध्ये झाली होती. याच शोमध्ये ते एकमेकांना आवडू लागले होते. त्यानंतरदेखील आजही सोबत आहे.

त्यांचे चाहते त्यांना कायमच सपोर्ट करताना दिसतात. करण आणि तेजस्वीची जोडी प्रेक्षकांना आवडत असल्याचे कमेंटवरुन दिसते.

दरम्यान, काही दिवसापूर्वी तेजस्वी प्रकाशदेखील कामातून ब्रेक घेऊन गोव्याला सुट्टीसाठी गेली होती. त्यावेळी तिने शेअर केलेले फोटोदेखील प्रेक्षकांच्या पसंतीस उतरले होते.

बीग बॉस( Bigg Boss ) १५ मध्ये असतानाच तिला प्रसिद्ध मालिका नागिन साठी मुख्य भूमिकेसाठी विचारले होते.

तिच्या या मालिकेतील भूमिकेला देखील चांगलीच प्रसिद्धी मिळाली होती. याबरोबरच, करण कुंद्रा भूमी पेडणेकरच्या नुकत्याच प्रदर्शित झालेल्या थँक्यू फॉर कमिंग या चित्रपटात दिसून आला होता. आता तेजस्वी आणि करण कोणत्या प्रोजेक्टमधून प्रेक्षकांच्या भेटीला येणार हे पाहणे महत्वाचे ठरणार आहे.