Kangana Ranaut: बॉलीवूडची क्वीन कंगना रनौत ही चर्चेत राहणारी अभिनेत्री आहे. सध्या ती तिच्या टीकू वेड्स शेरु या चित्रपटामुळे चर्चेत आहे. कंगनाने प्रोड्यूस केलेला हा पहिला चित्रपट आहे. आता मात्र टीकू वेड्स शेरु मुळे नाही तर कंगनाचा बहुचर्चित चित्रपट इमर्जन्सी मुळे चर्चेत आहे.
कंगनाचा बहुप्रतिक्षित चित्रपट इमर्जन्सी पहिला प्रोमो आता रिलिज झाला आहे. कंगनाने सोशल मिडियावर व्हिडिओ शेअर करत चित्रपट कधी रिलिज होणार हे सांगितले आहे. भारताच्या पहिला महिला पंतप्रधान इंदिरा गांधी यांच्यावर आधारित हा चित्रपट असून कंगना तत्कालिन पंतप्रधान इंदिरा गांधींच्या भूमिकेत दिसून येणार आहे.
24 नोव्हेंबर 2023 ला हा चित्रपट रिलिज होणार असल्याची कंगनाने घोषणा केली आहे. 1975 साली जेव्हा इंदिरा गांधींनी आणीबाणी घोषित केली होती, त्यावर आधारित असलेल्या या चित्रपटाच्या टीझरच्या सुरुवात आणीबाणी घोषित केलेल्या दिवसापासून होते. अनुपम खेर यांनी व्हाइसओव्हर केले असून ते या चित्रपटात जे पी नारायण यांच्या भूमिकेत दिसून येणार आहेत.
या चित्रपटाची घोषणा 2021 मध्ये केला होती. याचे लेखन रितेश शाह यांनी केले आहे.
'मुझे इस देश की रक्षा करने से कोई नही रोख सकता क्योंकि इंडिया इज इंदिरा और इंदिरा इज इंडिया' हा कंगनाचा डायलॉग सर्वाचे लक्ष वेधून घेत आहे. या चित्रपटात कंगनाशिवाय अनुपम खेर, मिलिंद सोमण, महिमा चौधरी, दिवंगत सतीश कौशिक आणि श्रेयस तळपदे महत्वाच्या भूमिकेत दिसणार आहेत.
दरम्यान, तत्कालिन पंतप्रधान इंदिरा गांधी यांच्यावर आधारित कंगनाचा हा चित्रपट प्रेक्षकांच्या मनात उत्सुकता निर्माण करतना दिसून येत आहे. आता हा चित्रपट बॉक्स ऑफीसवर आपली जादू दाखवण्यात यशस्वी होणार का हे पाहणे महत्वाचे ठरणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.