Kangana Ranaut: कंगनासोबत आर.माधवनचा फोटो पाहून चाहत्यांनी अभिनेत्याला दिला सल्ला; म्हणाले-'तू जरा...'

Kangana Ranaut: कंगना रणौत ही सातत्यानं चर्चेत राहणारी अभिनेत्री आहे. ती तिच्या वादग्रस्त वक्तव्यामुळे लोकांचे लक्ष वेधून घेत असते. याबरोबरच, तिचे एकापाठोपाठ एक चित्रपट फ्लॉप गेले आहेत. गेल्या काही दिवसांपासून ती राजकारणात सक्रिय होणार, भाजप पक्षात प्रवेश करुन निवडणूक लढवणार असेही म्हटले जात होते. आता मात्र कंगना आर. माधवन या प्रसिद्ध अभिनेत्यामुळे चर्चेत आली आहे.

कंगना रणौतने इंस्टाग्राम स्टोरीवर आर माधवनसोबतचा तिचा सेल्फी शेअर केला आहे. या सेल्फीसोबत त्याने काही कॅप्शनही लिहिले आहे. कंगनाने लिहिले आहे- माझ्या आवडत्या आर माधवनसोबत आणखी एका उत्तम स्क्रिप्टसह परत येत आहे.

याशिवाय तिने आणखी एक फोटो शेअर केला असून त्यात ती काही लोकांसोबत बसलेली दिसत आहे. या फोटोच्या कॅप्शनमध्ये तिने 'सर्वोत्तम टीम' असे लिहिले आहे. मात्र कंगनाच्या या स्टोरीनंतर सोशल मिडियावर कमेंटचा पाऊश आल्याचे दिसत आहे. एकाने लिहिले आहे - कंगना राणौत आता माधवनचे करियर खराब करेल, कृपया माधवन कंगनापासून अंतर ठेवा, अन्यथा ती तुमचेही करिअर खराब करण्यात कोणतीही कसर सोडणार नाही. एका यूजरने म्हटले - चला, कोणीतरी तिची आवडती व्यक्ती आहे, नाहीतर ती सर्वांच्या विरोधात आहे.

याआधी कंगना आर. ती माधवनसोबत 'तनू वेड्स मनू' आणि त्यानंतर त्याचा सिक्वेल 'तनु वेड्स मनु रिटर्न्स'मध्ये दिसली आहे. 'धाकड' आणि 'तेजस' हे शेवटचे दोन चित्रपट बॉक्स ऑफिसवर आपटले आहेत. याआधी 'मणिकर्णिका' सरासरी ठरला आहे तर त्यानंतरचे 'पंगा' आणि 'थलाईवी' हे सर्व चित्रपट फ्लॉप ठरले आहेत.

दरम्यान, सध्या कंगना तिच्या आगामी 'इमर्जन्सी' चित्रपटामुळे चर्चेत आहे. या पॉलिटिकल ड्रामा चित्रपटात कंगना इंदिरा गांधींच्या भूमिकेत दिसणार आहे. या चित्रपटात कंगनासोबत श्रेयस तळपदे, अनुपम खेर, महिमा चौधरी आणि पुपुल जयकर हे देखील दिसणार आहेत. विशेष म्हणजे कंगना या चित्रपटात अभिनयासोबतच दिग्दर्शनही करत आहे.