Kangana Ranauat: अन् शेवटी कंगनाचा हृतिक चाहत्यांसमोर आलाच!

Kangana Ranauat: बॉलीवूडचे कलाकार कायमच कोणत्या ना कोणत्या कारणाने चर्चेत असतात. कधी ते त्यांच्या चित्रपटांमुळे कधी ते त्यांच्या वक्तव्यामुळे तर कधी ते त्यांच्या वैयक्तिक आयुष्यामुळेदेखील चर्चांचा भाग बनतात.

आता कंगना रणौतदेखील एका मिस्ट्री मॅनमुळे ती चर्चेत आली आहे. कंगनाने ज्याचा हात धरत पापाराझींसाठी पोझ दिली तो व्यक्ती कोण आहे? तो तिचा बॉयफ्रेंड आहे का ? असे कितीतरी प्रश्न नेटकऱ्यांना पडलेले असल्याचे सोशल मिडियावर पाहायला मिळत आहे.

कंगनाचे 'मिस्ट्री मॅन'सोबतचे फोटो सोशल मीडियावर व्हायरल होत आहेत. एका पापाराझीनेही हे इन्स्टाग्रामवर शेअर केले आहे. या फोटोंवर चाहत्यांच्या आणि यूजर्सच्या अनेक प्रतिक्रिया येत आहेत. प्रत्येकाला या 'मिस्ट्री मॅन'बद्दल जाणून घ्यायचे आहे. काहीं या व्यक्तीला हृतिक रोशन म्हणत लिहिले की कंगनाला शेवटी हृतिकसारखा दिसणारा कोणीतरी सापडला आहे. चाहत्यांनी या जोडीचे कौतुक करत कंगनासाठी आनंदी असल्याचे सांगितले. दोघांची जोडी छान दिसत असल्याचेही चाहत्यांनी म्हटले आहे.

आता कंगना स्वत: त्या व्यक्तीबद्दल सांगणार का असा प्रश्नही चाहत्यांना पडताना दिसत आहे.

कंगनाच्या वर्कफ्रंटबद्दल बोलायचे झाले तर कंगना रणौत सध्या तिच्या 'इमर्जन्सी' या नवीन चित्रपटात व्यस्त आहे, ज्यामध्ये ती केवळ अभिनयच नाही तर दिग्दर्शिका देखील आहे. आधी हा चित्रपट नोव्हेंबर 2023 मध्ये रिलीज होणार होता, पण आता तो 2024 ला रिलीज होणार आहे. या चित्रपटात अनुपम खेर, महिमा चौधरी, दिवंगत अभिनेते सतीश कौशिक आणि श्रेयस तळपदे यांच्याही भूमिका आहेत.