Kangana Ranauat: कंगना रणौत कधी आपल्या चित्रपटांमुळे तर कधी आपल्या वक्तव्यामुळे चर्चेत असते. आता तिने 12th फेल या चित्रपटाचे कौतुक केल्याने ती पुन्हा एकदा चर्चेत आली आहे.
विक्रांत मेस्सी स्टारर '12 वा फेल' नुकताच OTT वर रिलीज झाला आहे, या चित्रपटाला लोकांचे प्रचंड प्रेम मिळत आहे. डिस्ने प्लस हॉटस्टार या ओटीटी प्लॅटफॉर्मवर विधू विनोद चोप्रांचा हा चित्रपट पाहिल्यानंतर १२वी फेल म्हणजे 'मास्टरपीस' असल्याचे अनेकजण म्हणत आहेत. कंगना रणौतनेही नुकताच हा चित्रपट पाहिला आणि ती विक्रांत मेस्सीची फॅन झाली असल्याचे तिने केलेल्या सोशल मिडियावरील पोस्टवरुन पाहायला मिळत आहे.
चित्रपट पाहिल्यानंतर कंगनाने विक्रांतचे तसेच दिग्दर्शक विधू विनोद चोप्राचे कौतुक केले. कंगनाने विक्रांतची तुलना दिवंगत अभिनेता इरफान खानशी केली आहे. '12वी फेल' पाहिल्यानंतर कंगनाने इंस्टाग्राम स्टोरीवर काही पोस्ट केल्या. यात तिने विक्रांत मॅसी आणि विधू विनोद चोप्रा यांचे कौतुक करत लिहिले की, 'विधू सरांनी पुन्हा एकदा माझे मन जिंकले आहे. विक्रांत मॅसी अप्रतिम अभिनेता आहे. येत्या काही वर्षांत तो इरफान खानची पोकळी भरून काढू शकतो, असे कंगनाने सोशल मिडियावर म्हटले आहे.
विक्रांत मेस्सीला म्हटले होते 'झुरळ'
कंगना राणौतने एकदा विक्रांत मेस्सीला 'झुरळ' म्हटले होते.अभिनेत्री यामी गौतमने लग्नानंतरचा स्वतःचा एक सुंदर फोटो शेअर केला आहे. यावर विक्रांतने 'राधे माँच्या प्रति एकदम शुद्ध' अशी प्रतिक्रिया दिली होती. त्यावर कंगनाने लिहिले होते की, 'हे झुरळ कुठून आले, माझी चप्पल आणा.'
'12वी फेल'ने 'तेजस'ला मागे सारत बॉक्स ऑफिसवर केला होता धुमाकूळ
12वी फेल हा चित्रपट 27 ऑक्टोबर 2023 रोजी थिएटरमध्ये प्रदर्शित झाला होता. त्यासोबतच कंगना राणौतचा 'तेजस'ही रिलीज झाला. सुमारे 20 कोटी रुपयांच्या बजेटसह बनलेल्या '12वी फेल'ने देशांतर्गत बॉक्स ऑफिसवर 53.88 कोटी रुपयांची कमाई केली आणि जगभरात 67 कोटी रुपयांचा व्यवसाय केला. कंगना राणौतचा 'तेजस' चांगलाच फ्लॉप झाला.
सलमान खानचा 'टायगर 3' रिलीज झाल्यानंतरही '12वी फेल' चित्रपटगृहांमध्ये राहिला आणि करोडोंची कमाई सुरूच ठेवली. आता हा चित्रपट OTT वर आल्यापासून लोक त्यावर प्रेमाचा वर्षाव करत आहेत.
कंगना आता या वर्षी 'इमर्जन्सी'मध्ये दिसणार आहे, ज्याचे तिने दिग्दर्शनही केले आहे. याशिवाय ती एका सायकॉलॉजिकल थ्रिलरमध्येही दिसणार आहे. तर विक्रांत मॅसी 'यार जिगरी', 'सेक्टर 36', 'फिर आयी हसीन दिलरुबा' आणि रोमँटिक चित्रपटात दिसणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.