Jee Le Zaraa Movie: 'जी ले जरा'च्या चर्चांवर झोया अख्तरने सोडले मौन

Jee Le Zaraa: प्रसिद्ध अभिनेता आणि दिग्दर्शक फरहान अख्तर गेल्या काही दिवसांपासून त्याच्या आगामी चित्रपटांमुळे चर्चेत आहे. 'डॉन 3' आणि 'जी ले जरा' या हे चित्रपट या चर्चांचे कारण ठरले आहेत.

जी ले जरा चित्रपटाची कथा झोया अख्तर आणि रीमा कागतीने लिहिली आहे. सुरुवातीला या चित्रपटात इंडस्ट्रीतील तीन दिग्गज अभिनेत्री आलिया भट्ट, प्रियांका चोप्रा आणि कतरिना कैफ यांना कास्ट केल्याचे म्हटले जात होते.

मात्र काही दिवसातच प्रियंका चोप्राने चित्रपटातून एक्झिट घेतल्याच्या चर्चांना उधान आले होते. प्रियंकापाठोपाठ कतरिनानेदेखील हा चित्रपट सोडल्याचे म्हटले जात होते.

आता झोया अख्तरने या चर्चांवर मौन सोडले असून लवकरच चित्रपटाच्या शूटिंगला सुरुवात होईल असे म्हटले आहे. मात्र प्रियंका आणि कतरिनाने चित्रपट सोडला कि नाही याबद्दल भाष्य केले नाही.

मिळालेल्या माहीतीनुसार, चित्रपटाचे चित्रीकरण लवकर सुरु होत नसल्याने या अभिनेत्रींनी चित्रपटातून बाहेर पडण्याचा निर्णय घेतला आहे.

दरम्यान, 'जी ले जरा' ची गोष्ट 'जिंदगी ना मिलेगी दोबारा' या चित्रपटासारखीच असल्याचे म्हटले जात आहे. रोड ट्रीपवर आधारित हा चित्रपट असल्याचे म्हटले जात आहे. आता या चित्रपटात नक्की कोण दिसणार आणि चित्रपटाच्या शूटिंगला कधी सुरुवात होणार हे पाहणे महत्वाचे ठरणार आहे.