Priyamani: किंग खानचा जवान हा चित्रपट लवकरच प्रेक्षकांच्या भेटीस येणार आहे. शाहरुख खानसोबत 'फॅमिली मॅन' या वेब सीरीजमध्ये दिसून आलेली दाक्षिणात्य अभिनेत्री प्रियामणीदेखील दिसून येणार आहे. आता प्रियामणीने दिलेल्या एका मुलाखतीमुळे सध्या ती चर्चेत आहे. चित्रपटातील इंटिमेट सीन आणि ऑनस्क्रीन किसिंग सीनवर वक्तव्य केले आहे.
प्रियामणीने आपल्या कारकिर्दीत अनेक हिट चित्रपट केले आहेत. मात्र ती इंटिमेट सीनपासून नेहमीच दूर राहल्याचे दिसून येते. आता ती यापासून का दूर राहते याचे कारण तीने या मुलाखती दरम्यान सांगितले आहे.
काय आहे कारण?
प्रियामणीच्या म्हणण्यानुसार, ऑनस्क्रीन किसिंग सीन आणि इंटिमेट सीन करण्यास तिला कंफर्टेबल वाटत नाही. चित्रपटात भूमिका साकारणे हे माझे काम आहे. जेव्हा चित्रपट रिलिज होतो तेव्हा माझे माझे माहेर आणि सासरचे कुटुंबिय तो चित्रपट पाहतात. ते मला काहीच बोलणार नाहीत कारण ते माझे काम आहे मात्र तरीदेखील मला स्वताला कंफर्टेबल वाटायला हवे. मला माझ्या नवऱ्याला उत्तर द्यावे लागते.
सासरच्या लोकांनी असा विचार करायला नको की आपली सून लग्नानंतही हे काय करत आहे. प्रियामणी पुढे म्हणते ती चित्रपटात जास्तीत जास्त गालावर किस करु शकते. त्यामुळेच प्रियामणीच्या कॉन्ट्रॅक्टमध्ये नो किसिंग क्लॉज असलेला पाहायला मिळतो.
तिच्या अटीमुळे प्रियामणीला अनेक मोठे चित्रपट सोडावे लागले आहेत. परंतु प्रियामणीच्या म्हणण्यानुसार ही तिची पर्सनल चॉइस आहे. प्रियामणीने 23ऑगस्ट 2017 ला मुस्तफा राजबरोबर विवाहबंधनात अडकली आहे.
'या' हिंदी चित्रपटात केले आहे काम
प्रियामणीने 2003 मध्ये Evare Atagaadu या चित्रपटातून आपल्या करिअरला सुरुवात केली होती. मात्र 2017 मध्ये आलेल्या Paruthiveeran या चित्रपटाने तिला प्रसिद्धी मिळवून दिली होती. दाक्षिणात्य चित्रपटांशिवाय रावण', 'रक्तचरित्र 2', 'चेन्नई एक्सप्रेस', 'अतीत' आणि 'सलाम वेंकी' या हिंदी चित्रपटात दिसून आली आहे. आता लवकरच ती अजय देवगणसोबत 'मैदान' आणि शाहरुख खान सोबत 'जवान' या चित्रपटात दिसून येणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.