'द काश्मीर फाइल्स': 1990 च्या दशकात काश्मिरी पंडितांच्या पलायनावर आधारित 'द काश्मीर फाइल्स' चित्रपटाच्या यशानंतर जम्मू-काश्मीर पोलिसांनी एक व्हिडिओ जारी केला आहे. दहशतवादामुळे सर्व काश्मिरींना मग ते कोणत्याही धर्माचे असोत, त्यांना त्रासाला सामोरे जावे लागल्याचे या व्हिडिओमध्ये दाखवण्यात आले आहे. (Jammu and Kashmir Police released 'The Untold Kashmir')
हा व्हिडिओ 57 सेकंदांचा असून त्याला 'द अनटोल्ड काश्मीर फाइल्स' (The Kashmir Files) असे शीर्षक देण्यात आले आहे. या क्लिपमध्ये दहशतवादाच्या कालखंडाचे चित्रण करणारी अनेक दृश्ये आहेत. व्हिडीओच्या पार्श्वभूमीत फैज अहमद फैज यांची 'हम देखेंगे' ही कविता ऐकू येत आहे जी 'द काश्मीर फाइल्स'मध्येही वापरली गेली होती.
व्हिडिओमध्ये म्हटले आहे की, 'दहशतवादी एसपीओ इश्फाक अहमद यांच्या घरात घुसले आणि त्यांचा भाऊ उमर जानसह त्यांची हत्या केली. शांततेचे समर्थन करणारे असे अनेक काश्मिरी मारले गेले. आणखी एका फ्रेममध्ये लिहिले आहे, “काश्मीरमध्ये (Kashmir) लक्ष्य करून 20 हजार लोक मारले गेले. आमच्यावर आवाज उठवण्याची वेळ आली आहे." व्हिडिओच्या शेवटी ‘आम्ही काश्मीर आहोत, आम्ही बघू’ असे म्हटले आहे. जम्मू-काश्मीर पोलिसांनी (Police) 31 मार्च रोजी ट्विटरवर हा व्हिडिओ जारी केला, जो आतापर्यंत 1.66 लाख लोकांनी पाहिला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
