श्रीलंकेला सध्या बिकट आर्थिक परिस्थितीचा सामना करत आहे. बॉलिवूड अभिनेत्री जॅकलीन फर्नांडिस ही श्रीलंकेची असल्याने तिने अलीकडेच सोशल मीडियावर श्रीलंकेतील परिस्थितीवर आपल्या भावना व्यक्त केल्या आहेत. "श्रीलंकेतील जनतेवर सध्या जी परिस्थिती आली आहे, ती बघवत नाही, असे म्हणत अभिनेत्रीने आपल्या भावना व्यक्त केल्या आहेत." (Jacqueline Fernandez on Sri Lanka crisis)
श्रीलंका देश सर्वात वाईट आर्थिक संकटाना सामोरे जात आहे. इंधनासाठी लागणाऱ्या लांबच लांब रांगा, जीवनावश्यक वस्तूंचा तुटवडा आणि तासंतास वीजपुरवठा खंडित झाल्यामुळे श्रीलंकेतील जनता त्रस्त झाली आहेत. अशातच जॅकलीन फर्नांडिसने (Jacqueline Fernandez) आपल्या अधिकृत इन्स्टाग्राम अकाऊंटवर एक पोस्ट शेअर केली असून ती सोशल मिडियावर (Social Media) व्हायरल होत आहे.
"श्रीलंकेला आर्थिक संकटाचा सामना करावा लागत असल्याने मला खूप वाईट वाटत आहे. मनात अनेक विचार येत आहेत. इतर लोकांनी कोणत्याही गोष्टीला बदनाम करू नये. माझ्या देशातील नागरिकांना सध्या सहानुभूती आणि समर्थनाची गरज आहे." असे जॅकलीनने या पोस्टमध्ये लिहिले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.