Hi Papa Teaser Out: मृणाल ठाकूरचा नव्या चित्रपटात रोमँटिक अंदाज

Hi Papa Teaser Out: दाक्षिणात्य सुपरस्टार नानी शेवटचा 'दशहरा' या चित्रपटात दिसला होता. आता नानी त्याच्या पुढच्या 'हाय नन्ना' ( HI PAPA ) या चित्रपटात दिसणार आहे. बाप-मुलीच्या नात्यावर ही कथा आधारित असून चित्रपटात रोमँटिक अँगल देखील असणार आहे.

चित्रपटात मुख्य अभिनेत्रीच्या भूमिकेत मृणाल ठाकूर आपल्या अभिनयाची झलक दाखवताना दिसत आहे. त्यामुळे प्रेक्षकांना या चित्रपटात डबल धमाका पाहायला मिळणार आहे. आता या चित्रपटाचा टीझर यूट्यूबवर रिलिज करण्यात आला असून चाहत्यांच्या पसंतीस पडल्याचे दिसत आहे.

नन्नाचा टीझर घरातील जेवणाच्या टेबलावर वडील आणि मुलीच्या संभाषणाने सुरू होतो. बाप आणि मुलीचे नाते हळूहळू उलघडताना दिसते. मृणाल ठाकूरचे पात्र माहीबरोबर भावनिकरित्या जोडलेले दिसते.

यावेळी नानी एक भावनिक व्यक्तिरेखा साकारताना दिसणार आहे. 'है नन्ना'चा टीझर रिलीज झाला असून तो प्रेक्षकांना प्रचंड आवडल्याचे दिसत आहे. बापाच्या भूमिकेतला नानी तुम्हाला नक्कीच आवडेल.

मृणाल ठाकूर आणि नानीची जोडी

नानी या चित्रपटात मृणाल ठाकूरसोबत ऑन-स्क्रीन रोमान्स करताना दिसणार आहे. मृणाल या चित्रपटात अतिशय सुंदर दिसत आहे. या दोन लोकप्रिय कलाकारांना पडद्यावर पाहणेदेखील तितकेच मजेदार असणार आहे.

'हाय नन्ना' बद्दल

'हाय नन्ना' चे दिग्दर्शन शौर्यव यांनी केले आहे. चित्रपटाचे संगीत हेशम अब्दुल वहाब यांनी दिले आहे, ज्यांनी यापूर्वी विजय देवरकोंडा आणि समंथा रुथ प्रभू यांच्या 'खुशी' सारख्या चित्रपटांना संगीत दिले होते. 7 डिसेंबर रोजी प्रदर्शित होणारा हा चित्रपट तामिळ, तेलगू, कन्नड, मल्याळम आणि हिंदी भाषांमध्ये प्रदर्शित होणार आहे.