बॉलिवूडची 'खल्लास गर्ल' ईशा कोप्पीकर (Isha Koppikar) आज 45 वा वाढदिवस साजरा करत आहे. ईशा कोप्पीकरने कारकिर्दीच्या सुरुवातीस अनेक हिट चित्रपट दिले. बॉलिवूडमध्ये येण्यापूर्वी, ईशाने 1995 मध्ये मिस इंडियामध्ये भाग घेतला जिथे तिने मिस टॅलेंटचा मुकुट जिंकला होता. तिचा कृष्णा कॉटेज चित्रपट चाहत्यांना अजूनही आठवतो. या चित्रपटाने ईशा कोप्पीकरला एक वेगळी ओळख मिळवून दिली होती. चाहत्यांना या चित्रपटातील 'बेपनाह प्यार है आजा' हे गाणे अजूनही आवडते. त्याचबरोबर अजय देवगणसोबत (Ajay Devgn) कंपनी चित्रपट आणि 'खल्लास साँग' (Khallas Song) देखील चाहत्यांना आवडले. ईशाची त्यावेळी चांगली फॅन फॉलोइंग होती.
ईशाच्या भूमिका चकित करणारी
ईशा कोप्पीकरने बॉलिवूडमध्ये गर्लफ्रेंडसारखे चित्रपटही केले, ज्यात तिची भूमिका सर्वांना आश्चर्यचकित करणारी होती. तिने आपल्या कारकिर्दीत बोल्ड आणि सॉफ्ट भूमिका साकारल्या.
तिच्या साध्या व्यक्तिरेखेचे कौतुक
या दरम्यान, त्याला राजश्री प्रॉडक्शनच्या 'एक विवाह ऐसा भी' मध्ये सर्वोत्कृष्ट भूमिका मिळाली. प्रत्येकाने त्या चित्रपटातील तिच्या साध्या व्यक्तिरेखेचे कौतुक केले. त्याचवेळी इशा कोप्पीकरचे नाव इंदर कुमारसोबत (Inder Kumar) जोडले गेले. परंतु इंदरच्या दारुच्या व्यसनामुळे दोघांचे ब्रेकअप झाले. काही वर्षांपूर्वी इंदर कुमार यांचे हृदयविकाराच्या झटक्याने निधन झाले.
नेपोटिझमवर बोलून सर्वांना दिला धक्का
ईशा कोप्पीकर यांचे नेपोटिझमबद्दलचे वक्तव्य खूप चर्चेत होते. ती यावेळी म्हणाली होती की, मी सुद्धा नेपोटिझमला बळी पडले होते. एकदा तर एका सुपरस्टार असलेल्या अभिनेत्याच्या सांगण्यावरुन एका मोठ्या चित्रपटातून शेवटच्या क्षणी मला काढून टाकण्यात आले होते.
कास्टिंग काउचवरही मोठे विधान
ईशा कोप्पीकरने कास्टिंग काउचवर एक वक्तव्य केल्याने इंडस्ट्रीमध्ये खळबळ उडाली. ती म्हणाली होती की, अर्थातच तिथे कास्टिंग काउच आहे, परंतु मग त्यानंतर तुम्हाला काय हवे यावर अवलंबून आहे. जर तुम्हाला कास्टिंग काउचच्या मदतीने काम करायचे असेल तर करा, अनेक नायिकांनी ते केले आहे. तसेच तीने पुढे म्हटले की, बॉलिवूडमध्ये अनेक अभिनेत्री आहेत ज्या कास्टिंग काउचच्या मदतीने शिखरस्थानावर पोहोचल्या आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
