गोव्याचे लघुपट झळकणार आज इफ्फीत...

गोव्यात (Goa) आंतरराष्ट्रीय सिनेमहोत्सव सुरू आहे. काल इफ्फीत (IFFI) प्रदर्शित झालेला “डिकॉस्टा हाऊस’ हाऊसफुल (Houseful) होता. चित्रपट (Movie) सुरू होण्यापूर्वी चित्रपटगृहाबाहेर लांबलचक रांग लावून उभे असलेल्या प्रेक्षकांच्या (Audience) चेहऱ्यावर गोमंतकीय चित्रपटाबद्दल असलेली उत्सुकता नक्कीच उत्साहजनक होती. आज इफ्फीच्या (IFFI) गोवा (Goa) विभागात असलेले चार लघुपट (Short Film) आयनॉक्सच्या तीन क्रमांकाच्या स्क्रीनवर (Screen) झळकणार आहेत.

लिमिट्स (मराठी) दिग्दर्शक : वर्धन कामत

कॉर्पोरेट क्षेत्रात काम करत असलेल्या दोन स्त्रियांच्या जीवनशैलीचा आणि त्यांच्या भिन्न दृष्टिकोनाचा विषय ‘लिमिट्स’ हा लघुपट मांडतो. मानसी आणि नेहा या दोघी एकाच पिढीच्या असल्या तरी या दोघींच्या विचारसरणी जुळत नाहीत. स्वातंत्र्य आणि बंधने या सार्‍या गोष्टींबद्दल एक विवाहित आणि एक अविवाहित स्त्री यांच्यामधल्या विचारविमर्षातून हा लघुपट (Short Film) पुढे सरकतो.

कुपांचो दर्या (कोंकणी) दिग्दर्शक : हिमांशू सिंग

जॉय मुंबईला (Mumbai) आपल्या आयुष्याची संधी शोधण्यासाठी चालला आहे. त्याला शेवटचे भेटण्यासाठी म्हणून मानवी त्याच्याकडे आली आहे. ती दोघे ज्या जागेत लहानाची मोठी झाली, त्या जागेबद्दल असणाऱ्या जॉयच्या प्रेमाला उजाळा द्यायचा प्रयत्न मानवी करते. ती त्यांची भेट जॉयसाठी एक आयुष्याचा धडा असते आणि मानवीसाठी ही भेट एक आश्चर्य घेऊन येते.

पॉल 10 (कोंकणी) दिग्दर्शक : सुनील रेवणकर

पॉलला फुटबॉलर म्हणून भारतीय महिला फुटबॉल संघात स्थान मिळवायचे आहे. पण जेव्हा त्याच्या व्यक्तित्वासंबंधी फुटबॉल असोसिएशनला कळते, तेव्हा ते त्याची हकालपट्टी करतात. त्याच्या लैंगिक व्यक्तिमत्त्वाची ओळख ही त्याच्यासाठी एक आंतरिक संघर्षाची बाब बनते आणि या संघर्षाच्या जाळ्यात तो कायमचा गुरफटून जातो.

गगन (कोंकणी) दिग्दर्शक : ब्रिजेश काकोडकर

गगन आपल्या वडिलांबरोबर आपल्या खेड्यातल्या घरात राहतोय. त्याचे वडील फॉरेस्ट गार्ड म्हणून कामाला आहेत. या दोघांचेही एकमेकाबरोबरचे नाते खूप गुंतागुंतीचे आहे. कारण दोघांचेही एकमेकांबद्दल काही गैरसमज आहेत. त्यांच्या आयुष्यावर पडछाया बनून राहिलेल्या एका भीषण शोकांतिकेबद्दल कळते. घटना इतकी त्रासदायक असते की त्या दोघांचे आपसातले नाते भरकटून जाते.