बॉलिवूडमध्ये आलिया, बिपाशानंतर आता गौहरने गोड बातमी देत चाहत्यांना आनंदाचा धक्का दिला आहे. गौहरने सोशल मिडियावर एक खास व्हिडिओ शेअर करत आई होणार असल्याची गोड बातमी दिली आहे.
गौहरनं इंस्टाग्रामवर एक खास व्हिडिओ शेअर केला आहे. हा व्हिडिओ शेअर केल्यानंतर चाहत्यांकडून लाइक्स आणि कमेंट्सचा वर्षाव होतो आहे. एकदम हटके पद्धतीने तिने ही बातमी चाहत्यांसोबत शेअर केली आहे.
बॉलिवूड चित्रपटांमध्ये आयटम साँग करणाऱ्या गौहरने 25 डिसेंबर 2020 रोजी जैद दरबारशी लग्नगाठ बांधली. जैद दरबार हा बॉलिवूड इंडस्ट्रीतील एक प्रसिद्ध संगीतकार इस्माईल दरबार यांचा मुलगा आहे.
दरम्यान, काही दिवसांपासून गौहर आई होणार असल्याच्या चर्चा सोशल मिडियावर सुरू होत्या. पण तिने यावर बोलणे टाळले होते. अखेर तिने चाहत्यांसोबत ही खास बातमी शेअर केली आहे.
गौहर सोशल मीडियावर प्रचंड सक्रिय असते. एकदा आस्क मी एनिथिंग या सेशमध्ये तिला गरोदरपणाबद्दल प्रश्न विचारण्यात आला होता. मुलाचे प्लॅनिंग कधी? असा प्रश्न गौहरला सतत विचारण्यात येत होता. यावर तिने म्हटले होते की ‘जेव्हा देवाची इच्छा असेल तेव्हा’. तसेच अनेक रिअॅलिटी शोमध्ये स्वत:चा ठसा उमटवणाऱ्या गौहर खान 'तांडव' सीरिजमध्ये वेगळ्या भूमिकेत पाहायला मिळाली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
