फरहान अख्तरने शिबानीला दिल्या नाविक बनून शुभेच्छा, म्हणाला- तुझ्यासाठी प्रवाहाविरुद्ध...

Shibani Dandekar Birthday: फरहान अख्तर आणि शिबानी दांडेकर हे बॉलिवूडमधील फेमस कपल आहेत. दोघेही आपल्या आयुष्याचा कॉलिटी टाइम स्पेंड करत आहेत. दोघेही एकमेकांचे कौतुक करण्याची एकही संधी सोडत नाहीत. आज मॉडेल-अभिनेत्री-गायिका शिबानीचा वाढदिवस आहे. या निमित्त फरहानने इंस्टाग्रामवर वाढदिवसाच्या अनोख्या शुभेच्छा दिल्या.

फरहान अख्तरने इन्स्टाग्रामवर स्वतःचा आणि शिबानी दांडेकरचा एक फोटो शेअर केला आहे. या फोटोची खास गोष्ट म्हणजे दोघेही बोटीवर उभे राहून पोज देताना दिसत आहेत. फरहान हातात रुडर घेऊन काळा कोट घालून उभा आहे, तर शिबानीही त्याच्या मागे काळ्या कोट पँटमध्ये उभी आहे.

या खास प्रसंगी फोटो शेअर करून फरहान अख्तरने कॅप्शनमध्ये आपल्या मनातील भावना व्यक्त केल्या आहेत. फरहानने लिहिले, 'प्रिय लाइफ पार्टनर, काही दिवस तू चालतेस, काही दिवस नेव्हिगेट करतेस, काही दिवस ब्रेक घेण्यास सांगतेस, हे बघ आणि फक्त श्वास घे. मी तुझ्यासाठी शक्तिशाली प्रवाहांशी लढेन कारण मला माहित आहे की तू माझ्यासाठी असेच काही करशील. वाढदिवसाच्या हार्दिक शुभेच्छा, लव्ह यू शिबानी दांडेकर.'

आता फरहानच्या अशा प्रेमळ पोस्टच्या प्रेमात कोण पडणार नाही. आपल्या नवऱ्याने दिलेल्या शुभेच्छांना उत्तर देतांना शिबानी म्हणाली, 'माझ्या जीवन साथीदारावर माझ खुप प्रेम आहे. तुझ्याशिवाय या प्रवासाची कल्पनाही करू शकत नाही. आपण सर्व काही अद्भुत केले आहे. आता मला नेहमी असाच प्रवास करायला शिकव.'

फरहान अख्तरच्या या पोस्टवर शिबानी दांडेकरचेच नाही तर अनेक सेलिब्रिटींचे मन भरून आले. रोनित बोस रॉयने लिहिले 'फरहान अख्तर खूप सुंदर शब्द. शिबानीला वाढदिवसाच्या शुभेच्छा. खूप प्रेम आणि प्रार्थना'. तर तिथेच अभय देओलने या गोड पोस्टवर लिहिले, 'अव.. हे वाचताना मला थोडा मधुमेह झाला पण फरहान अख्तर बरोबर आहे. शिबानी, तुम्हा दोघांनाही वाढदिवसाच्या हार्दिक शुभेच्छा. प्रसिद्ध कोरिओग्राफर फराह खाननेही शिबानीचे अभिनंदन केले आणि तू येशील तेव्हा आम्ही सेलिब्रेट करू असे सांगितले.