अर्जुन कपूर कोरोना पॉझिटिव्ह, मलायकाचीही होणार चाचणी

कोरोनाचा संसर्ग बॉलिवूडपर्यंत पोहोचला आहे. बॉलिवूड अभिनेता अर्जुन कपूर आणि त्याची बहीण अंशुला कोरोना पॉझिटिव्ह आले आहेत. अहवाल पॉझिटिव्ह आल्यानंतर दोघांनाही क्वारंटाईन करण्यात आले असून त्यांच्या संपर्कात आलेल्या लोकांना त्यांनी चाचणी करण्याचे आवाहन केले आहे. अर्जुन कपूर नुकताच त्याची गर्लफ्रेंड मलायका अरोराच्या (Malaika Arora) घरी ख्रिसमस (Christmas) पार्टी साजरी करण्यासाठी गेला होता.

या पार्टीत मलायकाची बहीण अमृता अरोराही सहभागी झाली होती. मलायका व्यतिरिक्त, तिच्या BFF करिश्मा कपूरच्या घरी देखील ख्रिसमस पार्टीचे शानदार सेलिब्रेशन होते. या पार्टीत अर्जुन आणि मलायका एकत्र दिसले होते. करीना आणि अमृता या दोन्ही सेलिब्रिटी ख्रिसमसच्या काही दिवस आधी कोरोना निगेटिव्ह आल्या होत्या.

दुसरीकडे, रिया कपूर आणि करण बुलानी देखील कोरोनाच्या (Corona) विळख्यात आले आहेत. जेव्हा करीना आणि अमृता कोरोना पॉझिटिव्ह असल्याची बातमी आली तेव्हा रिया कपूरचे नावही चर्चेत आले होते. रियाने तिच्या घरी गेट-टूगेदर पार्टी ठेवली होती, त्यानंतर सेलिब्रिटींना कोरोनाची लागण झाली. त्यावेळी रियाची चाचणी झाली आणि ती निगेटिव्ह आली. खबरदारी म्हणून मलायकाने तिची चाचणीही करून घेतली. अर्जुन कपूर (Arjun Kapoor) दुसऱ्यांदा कोरोना पॉझिटिव्ह आला आहे, अर्जुनची कोरोनाशी ही दुसरी लढाई आहे. गेल्या वर्षी सप्टेंबर 2020 मध्ये त्यालाही कोरोना पॉझिटिव्ह आला होता.