बॉलिवुडमधील (Bollywood) प्रसिद्ध अभिनेत्री तापसी पन्नूचे मोठे स्वप्न पूर्ण झाले आहे. ते स्वप्न म्हणजे शाहरुख खानसोबत काम करण्याचे होय. शाहरुख खानसोबत काम करणे हे अनेक कलाकारांचे स्वप्न असते आणि तापसीचे हे स्वप्न साकार झाले आहे. कारण ती किंग खानसोबत 'डंकी' (Dunki) चित्रपटात दिसणार आहे. हा चित्रपट राजकुमार हिरानी दिग्दर्शित करणार आहेत. राजकुमार हिरानी हे बॉलिवूडमधील एक दिग्गज चित्रपट निर्माते आहेत. या चित्रपटाद्वारे तापसीला (Taapsee Pannu) दोन मोठ्या दिग्गजांसह काम करण्याची संधी मिळत आहे. त्यामुळे तापसी या चित्रपटासाठी खूप उत्सुक आहे. (Taapsee pannu Latest News)
* तापसीला करावी लागली 10 वर्ष तपस्या
तापसीने ट्विट (twitter) करत हा आनंद व्यक्त केला आहे. तिने लिहिले, इथपर्यंत पोहोचणे खूप कठीण होते. पण एका सुपरस्टारने म्हटले आहे की, जर तुम्हाला एखादी गोष्ट मनापासून हवी असेल, तर ती घडवून आणण्यासाठी संपूर्ण विश्व तुम्हाला घेऊन जाते. प्रामाणिकपणा, मेहनत आणि समर्पणामुळे सर्व काही शक्य आहे. यास सुमारे 10 वर्षे लागली.
शाहरुखने सोशल मीडियावर आपल्या डंकी या नव्या चित्रपटाची घोषणा (Instagram) वर पोस्ट शेअर करत केली आहे. शाहरुख एक व्हिडिओ शेअर केला आहे ज्यामध्ये तो राजकुमार हिरानी यांच्याशी चित्रपटाबद्दल बोलताना दिसत आहे. शाहरुखने लिहिले- प्रिय राजकुमार हिरानी सर, तुम्ही माझे सांताक्लॉज आहात. तुम्ही सुरुवात करा मी वेळेवर पोहोचेन. मी तुमच्यासोबत काम करण्यास उत्सुक आहे. मी 22 डिसेंबर 2023 रोजी तुम्हा सर्वांसाठी डंकी घेऊन येत आहे.
* डंकी शूटिंग कधी सुरू होईल
येत्या काही दिवसांमध्ये या चित्रपटाचे शूटिंग सुरू होणार आहे. मिळालेल्या माहितीनुसार चित्रपटाचे शूटिंग पंजाबमध्ये होणार आहे. या चित्रपटाचे लेखन अभिजात जोशी, कनिका ढिल्लन आणि हिरानी यांनी केले आहे. हिरानी या चित्रपटाचे दिग्दर्शन आणि निर्मिती करणार आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
