Salman khan life story: सलमान खानबद्दल ‘या’ गोष्टी माहिती आहेत का?

बॉलिवूडचा सुपरस्टार आणि 'दबंग' अभिनेता सलमान खान आज त्याचा 57 वा वाढदिवस साजरा करत आहे. या खास दिवशी, त्याचे चाहते, मित्र आणि कुटुंबातील सदस्य त्याला वाढदिवसाच्या शुभेच्छा देत आहेत. बॉलिवूडचा भाईजान सलमान खान बिग बॉसमध्ये बंद घरात असलेल्या सेलिब्रेटींची पोलखोल करत असतो. सलमान अनेक वर्ष बिग बॉस होस्ट करतोय. यात त्यानं अनेकवेळा अनेकांचे खुलासे केलेत.

इतरांची पोलखोल करणाऱ्या सलमानच्या रंजक गोष्टी फार कमी लोकांना माहिती असतील. प्रेक्षकांच्या मनावर राज्य करणाऱ्या सलमानचा आजवरचा प्रवास तसा खडतर होता. आई वडील अभियन क्षेत्रातील असूनही सलमाननं स्ट्रगल केला. सलमाननं वडिलांचा महिन्याचा संपूर्ण पगार जाळला होता. इतकंच नाही तर एका वेळेस भाईजान 30-35 चपात्यांवर ताव मारायचा.

सलमान पुढे म्हणाला, 'वजन वाढवण्यासाठी 30-30 चपात्या, राजमा आणि त्यानंतर भात खायचो. माहिती नाही खाल्लेल सगळं कुठे जायचं. आजकाल एक चपाती खायलाही जास्त होते. आता आल्मंड मिल्क हवं असतं तेव्हा आम्हाला हे काहीच माहिती नव्हतं. आमच्याकडे नॉर्मल दूधही मिळत नव्हतं'.

आधी सलमान खाननं वडिलांचे पैसे जाळले अशा चर्चा होत्या. मात्र या अफवांवर एकदा सलमान खानचं मौन सोडलं होतं. सलमाननं म्हटलं, मी 6-7 वर्षांचा होतो तेव्हा 'एके दिवशी दुपारी असं झालं की मी बास्केटमध्ये काही जाळत होतो. त्या आगीत आणखी काही टाकण्यासाठी मी काही शोधत होतो. मी पाहिलं की माझे वडील काही पेपर एका ठिकाणी टाकत होते. मी त्यातील काही पेपर घेतले आणि जाळून टाकले. नंतर मला कळलं की मी त्या पेपरबरोबर जवळपास सातशे रुपये देखील जाळून खाक केले होते'.

तेव्हा सलमानच्या घरची परिस्थिती फार बिकट होती. इंदौरहून त्याचे वडील 60 रुपये घेऊन मुंबईत आले होते. सलमान पुढे म्हणाला, 'या घटनेनंतर आई मला खूप ओरडली होती. पण वडीलांनी तोंडातून एक शब्दही काढला नाही. ते आईला म्हणाले, तो अजून लहान आहे, त्याला कुठे माहिती आहे की ते पैसे आहेत. त्या महिन्यात आईला घर चालवणं खूप कठीण गेलं होतं. मग ही गोष्ट आमच्या शेजाऱ्यांना कळली. त्यांची आणि आमची परिस्थिती सारखीच होती. त्यांनी आम्हाला मदत केली. त्याच्या मदतीनं आम्ही कसा बसा महिना काढला'.