DJ Azex Suicide: ओडीसातील प्रसिद्ध डीजे अक्षय कुमारची आत्महत्या; गर्लफ्रेंडने केले...

DJ Azex Suicide: ओडीसातील प्रसिद्ध गायक डीजे एजेक्सने आत्महत्या केल्याची माहिती समोर आली आहे. त्याला स्मायलिंग अक्षय कुमार असेही म्हटले जात होते.

मिळालेल्या माहितीनुसार, भुवनेश्वरमधील घरात त्याने गळफास घेत आत्महत्या केले असल्याचे त्याच्या कुटुंबियांनी म्हटले आहे. त्याला लगेच दवाखान्यात नेण्यात आले मात्र डॉक्टरांनी त्याला मृत घोषित केले आहे. त्याच्या आत्महत्येचे कारण अद्याप समजू शकले नाही.

डीजेक्सचा जवळच्या मित्राने त्याच्या आत्महत्येपाठीमागे ब्लॅकमेल असल्याचे म्हटले आहे. त्याच्या म्हणण्यानुसार, त्याच्या गर्लफ्रेंडचे अन्य एका व्यक्तीवर प्रेम होते आणि ते दोघे मिळून त्याला ब्लॅकमेल करत होते. त्यामुळेच त्याने आत्महत्या केल्याची शक्यता आहे.

डीजेक्सच्या वडिलांनी सांगितले की, काल पाऊस पडत होता तेव्हा आम्ही त्याला जेवणासाठी बोलावले मात्र त्याने काही प्रत्युत्तर दिले नाही.

थोडावेळ वाट बघून आम्ही दरवाजा तोडला. त्यानंतर आम्ही त्याला गळफास( Suicide ) घेतल्याच्या अवस्थेत बघितल्यानंतर लगेच दवाखान्यात नेले अशी माहीती त्याच्या कुटुंबियांनी दिली आहे.