Disha Vakani: तब्बल ६ वर्षानंतर दयाबेन कॅमेरासमोर

Disha Vakani: तारक मेहता का उल्टा चष्मा' ही मालिका अनेक वर्षांपासून प्रेक्षकांचे मनोरंजन करत आहे. त्यातील कलाकारांनी प्रेक्षकांच्या मनात वेगळेच स्थान निर्माण केले आहे. त्यातील दयाबेनचे पात्र साकारणारी अभिनेत्री दिशा वाकानीचा मोठा चाहतावर्ग आहे.

मालिका सोडल्यानंतर अनेक वर्षांनी दिशा आपल्या कुटुंबासोबत दिसून आली होती. मिळालेल्या माहीतीनुसार, दिशा तिच्या मुलगा आणि पतीसोबत दिसली होती. दिशा आपला पती मयूर पडियासोबत नवरात्री सेलिब्रेशनमध्ये सहभागी झाली होती. तेव्हा ती पारंपारिक वेशभूषेत दिसून आली.

जवळजवळ सहा वर्षानंतर दिशा वाकानी पब्लिकली दिसून आली आहे. तारक मेहता का उल्टा चष्मासह दिशा वाकानी 2017 पासून अभिनयापासून दूर असल्याची माहिती आहे. 2017 मध्ये, तिने तिच्या मुलाच्या जन्मानंतर 'तारक मेहता का उल्टा चष्मा' सोडला.

काही काळानंतर, दिशा वाकानी शोमध्ये परतणार असल्याच्या बातम्या आल्या, परंतु काही कारणांमुळे ती या शोमध्ये परतली नाबी. सध्या दिशा वाकानी तिच्या कौटुंबिक जीवनात व्यस्त आहे. ती ना अभिनयाच्या दुनियेत परतली ना 'तारक मेहता का उल्टा चष्मा' मध्ये, मात्र तिचे चाहते तिची वाट पाहताना नेहमीच दिसतात.

दरम्यान, अलीकडच्या काळात 'तारक मेहता का उल्टा चष्मा' ज्या कलाकारांमुळे ओळखला जात होता त्यातील अनेक कलाकार शो मधून बाहेर पडले आहेत. असित मोदी यांनी अनेकदा दयाबेन म्हणजेच दिशा शोमध्ये परतणार असल्याचे म्हटले होते मात्र दिशा कोणत्या ना कोणत्या कारणाने शोमध्ये परतली नाही. आता दिशाला अनेक वर्षानंतर पाहून अनेकांनी आनंद व्यक्त केला आहे.