Dino Morea: बॉलीवूडचे कलाकार कोणत्या ना कारणाने नेहमीच चर्चेत असतात. आता अभिनेता डिनो मोरिया एका मुलाखतीत केलेल्या आपल्या वक्तव्यामुळे चर्चेत आला आहे. आपल्याला मुले हवी आहेच मात्र मला सरोगसी पासून मुले नकोत, सिंगल पॅरेंट मला बनायचे नाही मला माझा पार्टनर हवा आहे आणि मग मुले हवी आहेत, असे डिनो मोरियाने म्हटले आहे.
काही काळापूर्वीच 'मेंटलहूड' या वेब सीरीज मध्ये डिनोने केलेल्या भूमिकेचे सर्वांनी कौतुक केले होते. एका मुलाखतीदरम्यान, त्याला सरोगसी किंवा दत्तक घेऊन बाळ हवे की लग्नानंतर तो पालक बनणार आहे? असा प्रश्न विचारण्यात आला. त्यावर त्याने आपल्याला सिंगल पॅरेंट बनायचे नसून मला लग्न करायचे आहे आणि माझ्या जोडीदारासोबत मला पालक व्हायचे असे उत्तर डिनोने दिले आहे. याबरोबरच, तो पुढे म्हणाला की मला माहित आहे की मी उत्तम वडील बनेन.
याबरोबरच डिनोने आपली फेवरेट को-स्टार म्हणून बिपाशाचे कौतुक केले आहे. बिपाशा आणि डिनो यांनी अनेक चित्रपटात एकत्र काम केले आहे. डिनो मोरियाने सांगितले की, करिअरच्या सुरुवातीला त्याने बिपाशासोबत बहुतेक चित्रपट केले होते आणि त्यांची जोडी खूप आवडली होती. डिनो मोरिया आणि बिपाशा यांच्या जोडीने 2002 मध्ये आलेल्या 'राज' चित्रपटात जादू निर्माण केली होती. हा त्या वर्षातील सर्वात हिट चित्रपट होता.
बिपाशाशिवाय डिनोचे नाव नंदिता महतानी आणि लारा दत्ता यांच्याशी जोडले होते. आता डनो एका योग्य जोडीदाराच्या शोधात असल्याचे सांगताना दिसत आहे.
डिनो मोरियाच्या कारकिर्दीबद्दल बोलायचे झाले तर तो गेल्या काही काळापासून साऊथ चित्रपटांमध्ये दिसत आहे. गेल्या दोन-तीन वर्षांत त्यांनी मल्याळम, तमिळ आणि तेलुगू भाषांमध्ये चित्रपट केले आहेत. बॉलीवूडमध्ये, तो शेवटचा 2015 मध्ये आलेल्या 'अलोन' चित्रपटात कॅमिओमध्ये दिसला होता. यामध्ये बिपाशा बसू आणि करण सिंग ग्रोव्हर मुख्य भूमिकेत होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
