Satish Kaushik Daughter: सतिश कौशिक यांच्या मुलीसाठी दिग्गज अॅक्टर मैदानात

Satish Kaushik Daughter: बॉलीवूडमध्ये असे काही दिग्गज अभिनेते आणि अभिनेत्री आपल्या अभिनयासाठी प्रसिद्ध असतातच मात्र आपल्या व्यक्तव्यामुळे देखील चर्चेत असतात. यापैकी एक म्हणजे बॉलीवूडमधील प्रसिद्ध अभिनेते अनुपम खेर हे आहेत.

अनुपम खेर नेहमीच आपल्या वक्तव्यामुळे चर्चेत असतात. आता पून्हा एकदा त्यांनी सोशल मिडियावर शेअर केलेल्या एका पोस्टमुळे ते चर्चेत आले आहेत. या पोस्ट केलेल्या व्हिडिओमध्ये त्यांनी त्यांच्या जवळच्या मित्राच्या मुलीला फिल्ममध्ये लॉंच करण्याचे वचन दिले आहे. ही मुलगी म्हणजे सतीश कौशिक यांची मुलगी वंशिका आहे.

वंशिका अनुपम खेर यांना त्यांच्या ऑफीसमध्ये भेटण्यासाठी गेली होती. त्यावेळी अनुपम खेर यांनी तिच्यासोबत विविध विषयांवर गप्पा मारल्याचे व्हिडिओमध्ये दिसून येत आहे.

व्हिडिओच्या सुरुवातीलाच अनुपम खेर तिला विचारतात, तुला प्रिसेंस असल्यासारखे वाटत का ? त्यावर वंशिका हो असं उत्तर दिल्याच पाहायला मिळत आहे. यावर अनुपम खेर यांनी आपल्याला लहानपणी मला असेच वाटायचे असे म्हटले आहे. तू दिवसभर काय करतेस असं विचारल्यावर वंशिकाने आपली दिनचर्या सांगितली आहे. याशिवाय तिला क्राफ्ट करत असल्याचे ती म्हणत आहे.

अशा प्रकारे वंशिका आणि अनुपम खेर यांनी विविध विषयांवर मनमोकळ्या गप्पा मारल्या आहेत. आर्ट अॅंड क्राफ्ट बरोबरच वंशिकाने म्युझिकमध्ये आवड असल्याचे सांगितले आहे. रात्री झोपताना तिचे वडील सतीश कौशिक तिला गोष्टी सांगत असायचे ते तीला आठवत असल्याचे वंशिकाने म्हटले आहे.

अनुपम खेर यांनी हा व्हिडिओ शेअर करत लिहले आहे की, काल वंशिका मला माझ्या ऑफीसमध्ये भेटायला आली होती. आम्ही अनेक गोष्टींवर चर्चा केली, तिचे वडील आणि माझे जवळचे मित्र सतीश यांच्याविषयी देखील बोललो.

वंशिका खूप हुशार मुलगी असून माझं तिच्यावर खूप प्रेम आहे. मी खूप गोष्टी तिच्याकडून शिकतो. याबरोबरच, अनुपम खेर यांनी वंशिकाला सध्या अभ्यास करण्याचे सांगतिले असून जेव्हा ती मोठी होईल आणि तीला जर अॅक्टींगमध्ये करिअर करायचे असेल तर ते तिला मदत करतील असे देखील अनुपम खेर यांनी म्हटले आहे.

दरम्यान, काही दिवसांपूर्वी सतीश कौशिक यांचे अचानक दुख:द निधन झाले आहे. त्यांच्या पश्चात कुटुंबात त्यांची मुलगी आणि त्यांची पत्नी आहे. अनुपम खेर यांनी सतीश कौशिक यांच्या मृत्यूनंतर वंशिकासोबत वेळ घालवला आहे आणि तिला सपोर्ट करण्याचा त्यांचा प्रयत्न असल्याचे नेहमीच दिसून येते.