Riteish Deshmukh: कॉमेडीच नव्हे तर गंभीर भूमिकेतूनही रितेशने पाडली अभिनयाची छाप

बॉलिडमधील सुप्रसिध्द अभिनेता रितेश देशमुख आज 44 वा वाढदिवस साजरा करत आहे. आपल्या कॉमिक टायमिंग आणि उत्कृष्ट कामगिरीने, 'एक विलन' स्टारने सातत्याने प्रेक्षकांना भुरळ पाडली आहे. रितेश (Riteish Deshmukh) हा सर्वात आवडत्या कलाकारांपैकी एक आहे. त्याने 2003 मध्ये बॉलीवूडमध्ये आपल्या कारकिर्दीला सुरुवात केली. 2013 मध्ये अभिनेता म्हणून यश मिळवल्यानंतर त्याने निर्माता म्हणून पदार्पण केले. आज त्याच्या वाढदिवसानिमीत्त रितेशचे बेस्ट परफॉर्मन्स चित्रपट (Movie) कोणते हे पाहणार आहोत.

'हाऊसफुल्ल'

रितेश हाऊसफुल या लोकप्रिय चित्रपटाच्या चारही भागांमध्ये दिसला आहे. 2010 मध्ये रिलीज झालेल्या साजिद खान चित्रपटात अक्षय कुमार, दीपिका पदुकोण आणि अर्जुन रामपाल यांच्याही महत्त्वपूर्ण भूमिका आहेत.या चित्रपटामध्ये त्याने चाहत्यांना पोटभरुन हसवले आहे.

एक विलेन

या चित्रपटामधील रितेशची कामगिरी सर्वांच्या पसंतीस पडली. त्याच्या जबरदस्त अभिनयाने सर्वांना मंत्रमुग्ध केले. त्यांने राकेश महाडकर ही व्यक्तिरेखा साकारली, जो आपल्या पत्नीकडून सतत अपमान सहन करतो. परिणामी तो रागावतो आणि निराश होतो आणि त्याचा अनादर करणार्‍या इतर स्त्रियांना मारून टाकतो. मोहित सुरी दिग्दर्शित या चित्रपटात सिद्धार्थ मल्होत्रा ​​आणि श्रद्धा कपूर यांनी महत्त्वपूर्ण भूमिका साकारल्या होत्या.

'तेरे नाल लव हो गया'

तेरे नाल लव हो गया या चित्रपटात जेनेलिया डिसूझा आणि रितेश यांनी एकत्र काम केले आहे. मनदीप कुमार यांच्या दिग्दर्शनाखाली 2012 मध्ये रिलीज झाला होता.या जोडीने आपल्या अभिनयाने चाहत्यांचे मनं जिंकली.

'मस्ती'

मस्ती ही भारतीय सेक्स कॉमेडी चित्रपट आहे. अशोक ठकेरिया निर्मित या चित्रपटाचे दिग्दर्शन इंद्र कुमार यांनी केले आहे. आफताब शिवदासानी, रितेश देशमुख आणि विवेक ओबेरॉय यांनी या चित्रपटामध्ये मुख्य भुमिका साकारली आहे.

हे बेबी

2007 मधील सर्वोत्कृष्ट चित्रपटांपैकी एक म्हणजे हे बेबी चित्रपट आहे. यामुळे प्रेक्षकांना रितेशची कोमल आणि प्रेमळ बाजू पाहण्याची संधी मिळाली. तो चित्रपटात "एडी टेडी" म्हणून काम करतो, जो मुलांचे मनोरंजन करतो. साजिद खान दिग्दर्शित या चित्रपटात रितेशसोबत अक्षय कुमार, फरदीन खान आणि विद्या बालन यांनीही मुख्य भूमिका साकारल्या होत्या.