Bigg Boss OTT Finalist: गेल्या काही दिवसांपासून बीग बॉसचा पहिला फायनलिस्ट कोण असणार याची चर्चा रंगल्याचे दिसून आले होते. बीग बॉस ओटीटी शो सध्या शेवटच्या टप्प्यात असून आता बीग बॉस ओटीटीचा यावर्षीचा पहिला फायनलिस्ट मिळाला आहे.
यंदाचा काही स्पर्धकांमुळे शो ओळखला जाऊ लागला त्या काही मोजक्या स्पर्धकांमध्ये अभिषेक मल्हाण हे नाव अग्रक्रमावर येते. अखेर 'बिग बॉस OTT 2' ला पहिला फायनलिस्ट मिळाला आहे. अभिषेक मल्हान हा या सीझनचा शेवटचा कॅप्टन तर ठरलाच, पण तो पहिला फायनलिस्टदेखील ठरला आहे.
हा आठवडा फॅमिली वीक होता, ज्यामध्ये स्पर्धकांचे कुटुंबिय त्यांना भेटण्यासाठी शोमध्ये आले होते. घरातील सदस्यांना त्यांच्या आवडीच्या स्पर्धकाला स्टार द्यायचा होता. ज्या दोन स्पर्धकांमध्ये जास्तीत जास्त स्टार्स असतील त्यांच्यामध्ये एक टास्क असेल.
या टास्कमध्ये जो जिंकेल तो फक्त घराचा कॅप्टनच नाही तर 'बिग बॉस ओटीटी 2' चा पहिला फायनलिस्ट देखील बनणार होता. आता 'बिग बॉस ओटीटी 2' ला अभिषेक मल्हानच्या रूपाने त्याचा फायनलिस्ट आणि कॅप्टन मिळाला आहे.
सोशल मिडियावर चाहते अभिषेक फायनलिस्ट झाल्यावर आनंद साजरा करत आहेत. दरम्यान, अभिषेक व्यतिरिक्त, एल्विश यादव, मनीषा राणी, पूजा भट्ट, जेडी हदीद, जिया शंकर, अविनाश सचदेव आणि बाबिका धुर्वे अजूनही या स्पर्धेत टिकून आहेत. 12-13 ऑगस्टला ग्रँड फायनल असून बीग बॉसचे विजेतेपद कोण आपल्या नावावर कोरणार हे पाहणे महत्वाचे ठरणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.