Bigg Boss 17: बिग बॉसच्या शोचा ग्रँड फिनाले जवळ आला असून आता या आठवड्यात बिग बॉसची ट्रॉफी आपल्या नावावर करणार हे पाहायला मिळणार आहे. सध्या सुरु असलेल्या विकेंडच्या एपिसोडमध्ये सलमान खानने अनेक स्पर्धकांच्या कुटुंबियांबरोबर संवाद साधला आहे.
अनिल कपूर रिअॅलिटी शो 'बिग बॉस 17'च्या प्रोमोमध्ये दिसला होता. त्याने सलमान खानसोबत खूप धमाल केली. तो त्याचा आगामी सिनेमा 'फायटर'च्या प्रमोशनसाठी आला होता. मात्र, त्यांच्यासोबत हृतिक किंवा दीपिका पदुकोण दिसले नाही. दोघांनी स्टेजवर खूप धमाल केली. याशिवाय नॉमिनेशन टास्कनंतर मन्नारा चोप्राला असभ्य बोलल्याबद्दल सलमान खानने अंकिता लोखंडे आणि ईशा मालवीय यांना फटकारल्याचेही समोर आले आहे.
याशिवाय आयशा खानची हकालपट्टी होऊनही तीन सदस्यांवर नॉमिनेशनची टांगती तलवार कायम होती. अशा परिस्थितीत सलमान खान घरातील सदस्यांना सांगतो की, फिनालेच्या एक आठवडा आधी, एका सदस्याचा प्रवास इथेच संपत आहे. त्यानंतर हा निर्णय ऐकून अंकिता आणि विकी रडू लागले आणि ईशाला धक्का बसला.
त्यामुळे कोण बाहेर गेले आहे हे अधिकृतरित्या समोर आले नाही. मात्र ईशा मालवीय घरातून बाहेर गेल्याचे म्हटले जात आहे.दरम्यान, २८ जानेवारीला बिग बॉसच्या १७ व्या सीझनचा ग्रँड फिनाले होणार आहे. आता बिग बॉसची ट्रॉफी कोण आपल्या नावावर घेऊन जाणार हे पाहणे महत्वाचे ठरणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.