Bigg Boss 17: बिग बॉसचा १७ वा सीझन चांगलाच चर्चेत आहे. कधी ट्विस्ट, कधी गेम , कधी स्पर्धकांमधील भांडणे तर कधी खुद्ध बिग बॉसचा यू-टर्न यामुळे यंदाचा सीझन प्रेक्षकांच्या पसंतीस उतरताना दिसत आहे.
आता मात्र बिग बॉसच्या घरात एका भांडणने चांगलेच लक्ष वेधून घेतल्याचे पाहायला मिळत आहे. काही सेंकदाची ही क्लीप मोठ्या प्रमाणात व्हायरल होताना दिसत आहे. हे भांडण विकी जैन आणि अंकिता लोखंडे या जोडप्याचे आहे.
अभिषेक कुमार आणि अरुण मशेट्टी यांनी विकी जैनने पत्नी अंकिता लोखंडेला मारल्याचा आरोप केला आहे. या प्रकरणावरून विकी आणि अभिषेकमध्ये जोरदार वाद झाला. अंकिताने अभिषेकला असे गंभीर आरोप करू नको असे बजावल्याचेही दिसून आले.
अंकिताही काही सेकंद आश्चर्यचकित दिसली. अभिषेकने अनेक गंभीर आरोप केले. मात्र, विकीने ते मान्य केले नाही. अभिषेक म्हणाला, 'आपण आत्ताच काय पाहिलं? पत्नी अंकिता लोखंडे हिला मारण्याचा प्रयत्न केला नाही का? विकी जैन त्याच्या पत्नीला मारहाण करतो. अंकिता लोखंडेला त्याने मारले. अरुण भाई सर्वांना सांगा. यावर विकी म्हणाला, 'मी रागाच्या भरात माझे ब्लँकेट बाजूला ठेवले होते, एवढे मोठे आरोप करणे बंद करा, हा विनोद नाही.'
हे सर्व पाहणाऱ्या अंकिताने आपल्या पती विकी जैनचा बचाव केला. अभिषेक आधी तू स्वत:ला बघ, तू स्वतः मुलींना मारहाण करतो आणि आमच्यावर आरोप होतो. एवढी मोठी गोष्ट नॅशनल टिव्हीवर कसे बोलत आहेस. हा सगळा विनोद आहे असे तुम्हाला वाटते का? मी सांगणार आहे म्हणून हे सर्व बोलण्यापूर्वी दोनदा विचार करा.
यानंतर विकीने अंकिताला शांत केले आणि म्हणाला, 'त्याला गोष्टी समजावून सांगणे बंद कर, त्याला काही समजत नाही आणि त्याला जे हवे ते तो बोलतो.' अभिषेक कुमारच्या लक्षात आले की त्याने हे प्रकरण लांबवू नये. अंकिताला सांगितले की तो मुद्दा पुन्हा उपस्थित करणार नाही. या एपिसोडमध्ये जवळच्या मैत्रिणी मन्नारा चोप्रा आणि मुनावर फारुकी यांच्यात जोरदार भांडणही पाहायला मिळाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.