Bigg Boss: नवे स्पर्धक राहिले बाजूला अन् चर्चा रंगली 'मंडली'ची

Bigg Boss: बिग बॉसच्या १७ व्या सीझनला सुरुवात झाली आहे. नवीन स्पर्धक आपले वेगळेपण आणि प्रतिमा निर्माण करण्यासाठी अनेक प्रयत्न करताना दिसत आहेत. मात्र आता चर्चा नव्या स्पर्धकांची नाही तर बिग बॉसच्या १६ व्या सीझनमध्ये ज्यांना मैत्रीने प्रेक्षक भारावून गेले त्या मंडलीची रंगली आहे.

सोशल मिडियावर मंडलीच्या रियुनियनचे फोटो व्हायरल झाले आहेत. महत्वाचे म्हणजे, यांचे रियुनियन फराह खान यांच्या घरी झाल्याचे दिसून आले.

बिग बॉसच्या १६ व्या सीझनमध्ये शिव, अब्दू, साजीद खान, सुंबुल, निम्रित, एम सी स्टॅन यांची मैत्री प्रेक्षकांना चांगलीच भावली होती. कोणत्याही परिस्थितीत त्यांनी आपली मैत्री जपली होती. आता फराह खानने पोस्ट केलेल्या फोटोमध्ये आपण छोटा भाईजानला म्हणजेच अब्दू रोझिकला मिस करत असल्याचे म्हटले आहे. सध्या आपल्या कामाच्या निमित्ताने भारतात नसल्याची माहीती समोर आली आहे.

फराह खानने या फोटोंच्या कॅप्शनवर लिहिले, 'मंडली रियुनियन. एक वर्ष झाले आहे. आणि हे अजूनही चांगले मित्र आहेत आणि यांच्या बिग बॉसच्या घरातील गोष्टी मला अजूनही आवडतात. अब्दु तुझी खूप आठवण येईल.

यासारखे ब्रंच पुन्हा कधीही होणार नाही. फराह खान( Farah Khan )ने इंस्टा स्टोरीमध्ये लिहिले, 'खरे मित्र.' त्याचवेळी सुंबुल तौकीर खाननेही फोटो शेअर करत तिने 'हमेशा और हमेशा के लिए' असे लिहले आहे. त्याचवेळी साजिद आणि निमृतने या ब्रंचसाठी फराह खानचे आभार मानल्याचे सोशल मिडिया( Social Media )वर दिसून आले आहे.

आता सोशल मिडियावर मंडलीचे फोटो पाहिल्यानंतर युजर्सनीदेखील आपले प्रेम व्यक्त केले आहे. बिग बॉसच्या घरातील सगळ्यात उत्तम गट असल्याचे चाहत्यांकडून म्हटले गेले आहे.आता बिग बॉसच्या १७ व्या सीझनमध्ये अशाप्रकारची मैत्री प्रेक्षकांना पाहायला मिळणार का हे पाहणे उत्सुकतेचे ठरणार आहे.