कार्तिक आर्यनच्या बहुप्रतिक्षित चित्रपटांपैकी एक असलेल्या 'भूल भुलैया 2' (Bhool Bhulaiyaa 2) ची सिनेप्रेमी आतुरतेने वाट पाहत आहेत. प्रेक्षकांच्या प्रचंड मागणीनंतर 'भूल भुलैया 2' (Bhool Bhulaiyaa 2 Teaser) चित्रपटाचा टीझर आज रिलीज झाला आहे. हा चित्रपट पुढील महिन्यात म्हणजेच 20 मे 2022 रोजी प्रदर्शित होणार आहे.
'भूल भुलैया 2' च्या निर्मात्यांनी आज चित्रपटाचा 53 सेकंदांचा टीझर रिलीज केला, ज्यामध्ये कार्तिक आर्यन व्यतिरिक्त 'मंजुलिका'ची झलक सुरुवातीला पाहायला मिळत आहे. मात्र, टीझरमध्ये फक्त कार्तिकचा लूक समोर आला आहे. टीझरमध्ये त्याच्यासोबत छोटा पंडित म्हणजेच राजपाल यादव दिसत आहे. (Kartik Aryan Look in Bhool Bhulaiyaa 2)
कार्तिकचा लूक पाहिल्यानंतर चाहत्यांना चित्रपटाच्या पहिल्या भागापासून अक्षय कुमारची आठवण येत आहे. त्याचवेळी राजपाल यादव या चित्रपटात आपल्या कॉमेडीने पुन्हा एकदा प्रेक्षकांना गुदगुल्या करणार आहे. अनीस बज्मी या चित्रपटाचे दिग्दर्शन करत आहेत. या चित्रपटात कार्तिकसोबत कियारा अडवाणी तब्बू आणि संजय मिश्रा देखील मुख्य भूमिकेत दिसणार आहेत. हा चित्रपट 2021 मध्येच येणार होता पण कोरोनामुळे चित्रपटाची रिलीज डेट पुढे ढकलण्यात आली.
टीझर रिलीज करताना कियारा अडवाणीने सोशल मीडियावर लिहिले- 'भूतिया हवेली पुन्हा एकदा आपले दरवाजे उघडण्यासाठी तयार आहे, तुम्ही तयार आहात का?' टीझरची सुरुवात 'आमी जे तुम्हारा' या प्रसिद्ध गाण्याचे होते पण त्यात कोणाचाही चेहरा दिसत नाही. सुरुवातीला, एक जुना झपाटलेला बंगला दर्शविला जातो, परंतु लवकरच दृश्य बदलते आणि एक भितीदायक आकृती दिसते. त्याचवेळी दुसऱ्या क्षणी कार्तिक आर्यन तांत्रिकाच्या अवतारात दिसतो. कार्तिकच्या स्वॅग जरा हटके दिसत आहे. त्याच्या गळ्यात रुद्राक्षाची माळ, डोक्यावर घट्ट बांधलेला कापड आणि कुर्ता पायजमा घातलेला दिसत आहे. त्याच्यासोबत राजपाल यादव दिसत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
