Asur Upcoming Season: ओटीटी प्लॅटफॉर्म प्रेक्षकांचे मनोरंजन करण्यात अग्रेसर दिसून येते. गेल्या काही काळापासून चित्रपटगृहांची जागा आता ओटीटी प्लॅटफॉर्म घेताना दिसून येत आहेत. थरारक, कॉमेडी अशा सगळ्या प्रकारचे शो आपल्याला एकाच ठिकाणी दिसून येतात. त्यामुळे एक मोठा वर्ग प्रेक्षकांपासून निर्मात्यांपर्यत ओटीटी प्लॅटफॉर्मला प्राधान्य देताना दिसून येत आहे.
ओटीटी वर प्रदर्शित झालेली आसुर ही वेबसीरीज आता पून्हा एकदा चर्चेत आली आहे. सस्पेंस आणि थ्रीलचा धमाका असलेल्या आसुरच्या पहिल्या दोन सीझनने प्रेक्षकांना भूरळ पाडली होती. त्यामुळे चाहते आता आसुरच्या तिसऱ्या सीझन वाट पाहत आहेत. आता आसुरच्या या तिसऱ्या सीझनबद्दल मोठी माहीती समोर आली आहे.
आसुरच्या निर्मात्यांनी आता आसुर 3 कधी येणार किंवा येणार की नाही याबद्दल माहीती दिली आहे. एका मुलाखतीदरम्यान, या शोचे प्रोड्यूसर आणि लेखक गौरव शुक्ला यांनी म्हटले आहे की, कोणत्याही शोचा नवीन सीझन बनवण्यासाठीचा निर्णय हा लोकांच्या दबातून घेतला जात नाही. ते तेव्हाच आसुर चा तिसरा भाग बनवतील जेव्हा त्यांना नवीन काही कल्पना सुचेल.
ज्या आयडियामुळे त्यांना आनंद वाटेल, पुढे ते म्हणतात मी क्रिएटिव्हिटी कायम ठेवण्यात विश्वास ठेवतो. मी असा कंटेट देऊ इच्छितो, ज्या कंटेटला मी लेखक म्हणून रिलेट करु शकेन आणि प्रेक्षक म्हणून देखील मला त्या कंटेटबरोबर रिलेट होता आले पाहिजे. त्यामुळे असा कंटेट मिळेपर्यत मी वाट पाहीन कारण जर आसुर 3 कधी आलाच तर तर मागच्या दोन सीझनसारखाच प्रेक्षकांच्या अपेक्षावर खरा उतरला पाहिजे.
आसुरच्या प्रोड्यूसरच्या या वक्तव्यामुळे प्रेक्षकांची ही इच्छा कधी पूर्ण होणार आणि काय असणार आसुरच्या तिसऱ्या सीझनची कहानी हे पाहणे महत्वाचे ठरणार आहे. आसुरच्या पहिल्या दोन भागात अरशद वारसी आणि बरुण सोबती मुख्य भूमिकेत दिसून आले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
