Aryan Khan आज मन्नत वर? की माय लेकराची भेट आजही टाळणार

मुंबई क्रूज (Mumbai Cruse Case) प्रकरणात काल आर्यन खानला (Aryan Khan) जमीन मिळाल्यानंतर अखेर शाहरुख खान (Shah Rukh Khan) आणि गौरी खान (Gauri Khan) यांनी सुटकेचा नि:श्वास सोडला. त्यांचा मुलगा आर्यन खान याला क्रूझ शिप ड्रग्ज प्रकरणात मुंबई उच्च न्यायालयाने जामीन मंजूर केला आहे. या स्टार किडला नार्कोटिक्स कंट्रोल ब्युरोने (NCB) 2 ऑक्टोबर रोजी एका क्रूझवर छापा टाकल्यानंतर ताब्यात घेतले होते आणि 3 ऑक्टोबर रोजी त्याला अटक करण्यात आली होती. 7 ऑक्टोबर रोजी त्याला अरबाज मर्चंट आणि मुनमुन धमेचा यांसारख्या इतरांसह न्यायालयीन कोठडीत पाठवण्यात आले होते.(Aryan Khan granted bail but when he meet to Shah Rukh & Gauri Khan)

विशेष एनडीपीएस न्यायालयाने त्याचा जामीन फेटाळल्यानंतर वकिलांनी त्याचा जामीन अर्ज मुंबई उच्च न्यायालयात दाखल केला. मुंबई उच्च न्यायालयात तीन दिवस युक्तिवाद केल्यानंतर त्यांला जामीन मंजूर करण्यात आला. आता त्याच्या वकिलांनी आर्यन लवकरच आर्थर रोड तुरुंगातून बाहेर पडेल अशी माहिती दिली आहे.जामीनानंतर वकील मुकुल रोहतगी यांनी माध्यमांशी बोलताना सांगितले की, मुंबई उच्च न्यायालयाने आर्यन खान, अरबाज मर्चंट, मुनमुन धमेचा यांना तीन दिवसांचा युक्तिवाद ऐकल्यानंतर जामीन मंजूर केला आहे. उद्या सविस्तर आदेश दिला जाईल. उद्या किंवा शनिवारपर्यंत सर्वजण तुरुंगातून बाहेर येतील अशी आशा त्यांनी व्यक्त केली आहे.

अनेक वेळा जामिनासाठी अर्ज करून देखील आर्यन खानला दिलासा मिळत नव्हता या स्टार किडने प्रथम 4 ऑक्टोबर रोजी जामिनासाठी अर्ज केला होता. त्यानंतर 8 ऑक्टोबर तसेच 20 ऑक्टोबर रोजी जामीन सुनावणीनंतर त्याला जामीन नाकारण्यात आला होता. माजी अॅटर्नी जनरल मुकुल रोहतगी शाहरुखच्या मुलाच्या खटल्यात युक्तिवाद करत होते.पण जमीन न मिळाल्याने शाहरुख खान आणि गौरी खान चिंतेत होते. शाहरुख ने तर आपला वाढदिवस साजरा ना करण्याचा निर्णय देखील घेतला होता.

पण आता अखेर जमीन मिळाला असला तरी कायदेशीर प्रक्रिया पूर्ण होईपर्यंत आर्यन खानला आर्थर रोड तुरुंगातच राहावे लागणार आहे. त्यामुळे ही सारी प्रक्रिया कधी पूर्ण होईल आणि आर्यन खान अप्लाय मन्नत वर येऊन कधी आपल्या आई बापाला भेटेल याचीच वाट सारे चाहते पाहत आहेत.