नार्कोटिक्स कंट्रोल ब्युरोने (NCB) शाहरुख खानचा मुलगा आर्यन खान याच्यासोबत असलेल्या क्रूझ ड्रग्ज प्रकरणात आरोपपत्र दाखल करण्यासाठी 90 दिवसांची मुदतवाढ मागितली आहे. एनसीबी 2 एप्रिलपर्यंत या प्रकरणात आरोपपत्र दाखल करायचे होते, ज्यामध्ये बॉलिवूड स्टार शाहरुख खानच्या (Shah Rukh Khan) मुलासह 20 आरोपींना अटक करण्यात आली होती. एनसीबीच्या विशेष तपास पथकाने म्हणजेच नार्कोटिक्स कंट्रोल ब्युरोने मुंबई सत्र न्यायालयात आरोपपत्र दाखल करण्यासाठी मुदत वाढवून देण्याची विनंती केली आहे. (Aryan Khan Drugs case NCB SIT seeks 90 days to file a charge sheet)
दरम्यान, मुंबई उच्च न्यायालयाने (Mumbai High Court) आपल्या आदेशात आर्यन खान (Aryan Khan), अरबाज मर्चंट आणि मुनमुन धमेचा यांच्यात अंमली पदार्थांशी संबंधित कट रचल्याचा कोणताही पुरावा नाही, असे म्हटले होते. शिवाय त्यांच्या व्हॉट्सअ‍ॅपवर झालेल्या संभाषणात कोणत्याही प्रकारचा आक्षेपार्ह मजकूर आढळले नाही, असेही न्यायालयाने म्हटले आहे. या आदेशात म्हटले आहे की, " न्यायालयाला खात्री पटवून देण्यासाठी रेकॉर्डवर क्वचितच सकारात्मक पुरावा आहे की, सर्व आरोपी बेकायदेशीर कृत्य करण्यास सहमत आहेत."
शिवाय, नार्कोटिक्स कंट्रोल ब्युरो (NCB) च्या तपास अधिकाऱ्याने नोंदवलेले कथित कबुली जबाब बंधनकारक नसल्यामुळे त्यावर विश्वास ठेवता येणार नाही, असेही उच्च न्यायालयाच्या आदेशात म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
