Arbaaz khan-Malaika Arora: शूरा खानसोबत लग्न होताच अरबाजने सोशल मिडियावर मलायकाला केले अनफॉलो; चर्चांना उधाण

Arbaaz khan-Malaika Arora: अरबाज खानने नुकतेच शूरा खानसोबत लग्नगाठ बांधली. हे त्यांचे दुसरे लग्न होते. दरम्यान, अरबाजने मलायका अरोराला इन्स्टाग्रामवर अनफॉलो केल्याचे म्हटले जात आहे. अरबाज आणि मलायकाचे 2016 मध्ये 18 वर्षांचे त्यांचे वैवाहिक जीवन संपुष्टात आले होते.

मलायकासोबत घटस्फोट घेतल्यानंतर अरबाजने जॉर्जिया एंड्रियानीला डेट करायला सुरुवात केली. पण वर्षभरापूर्वी त्याचे ब्रेकअपही झाले होते. काही दिवसांपूर्वीच अरबाजने शूरा खानसोबत आपली बहीण अर्पिताच्या घरी लग्नगाठ बांधली होती.

शुरा खानसोबतच्या लग्नानंतर अरबाज खान त्याच्या इन्स्टाग्राम अकाउंटवर लग्नाचे फोटो आणि व्हिडिओ शेअर करत आहे, पण त्याने मलायका अरोराला अनफॉलो केल्याचे म्हटले जात आहे. इन्स्टाग्रामवर तो ज्या लोकांना फॉलो करत आहे त्यांना सर्च केल्यावर मलायकाचे नाव कुठेच सापडले नाही. असे असले तरीही मलायकाच्या फॉलोअर्सच्या यादीत अरबाजचे नाव अजूनही आहे. काही महिन्यांपूर्वी अरबाज आणि मलायका मुलगा अरहानसोबत हँगआउट करताना दिसले होते.

अरबाज खान इंस्टाग्रामवर एकूण 127 लोकांना फॉलो करत आहे, ज्यात भाऊ सलमान आणि सोहेल खान, मुलगा अरहान, फराह खान आणि करिश्मा कपूर यांची नावे आहेत. 'मिड डे'च्या वृत्तानुसार, अरबाजने मलायकाला घटस्फोट दिल्यानंतर इन्स्टाग्रामवर अनफॉलो केले होते, पण काही काळानंतर तो पुन्हा तिला फॉलो करायला लागला.

अरबाज आणि मलायका 1998 मध्ये विवाहबद्ध झाले. मलायकाने घटस्फोटानंतर काही वर्षांनी अर्जुन कपूरला डेट करायला सुरुवात केली आणि ती त्याच्यासोबत रिलेशनशिपमध्ये आहे. आता मलायकादेखील अरबाजला अनफॉलो करणार का असा प्रश्न चाहत्यांच्या मनात उठताना दिसत आहे.