बॉलिवूड अभिनेता अनुपम खेर (Anupam kher) यांचे नाव अशा स्टार्सच्या यादीत आहे जे एकीकडे आपल्या उत्कृष्ट अभिनयाने प्रेक्षकांची मने जिंकतात, तर दुसरीकडे ते कोणत्याही मुद्द्यावर आपले मत स्पष्टपणे व्यक्त करतात. अनुपम खेर हे देखील सोशल मीडियावर खूप सक्रिय आहेत आणि याच दरम्यान त्यांनी नुकतेच पंतप्रधान नरेंद्र मोदी (PM Modi) यांच्यासोबतचे त्यांचे फोटो शेअर केले आहेत. या फोटोंसोबत त्यांनी एक लांब आणि रुंद कॅप्शनही लिहिलं असून त्यांनी पंतप्रधान मोदींना एक खास भेटही दिल्याचं सांगितलं आहे.
* काय आहे अनुपम खेरची पोस्ट
अनुपम खेर यांनी आपल्या इन्स्टाग्राम अकाऊंटवर दोन फोटो शेअर केले आहेत. फोटोंसोबत अनुपम खेर यांनी कॅप्शनमध्ये लिहिले की, 'आदरणीय पंतप्रधान नरेंद्र मोदी जी, आज तुम्हाला भेटून मन आणि आत्मा दोघांनाही आनंद झाला. तुम्ही देश आणि देशवासियांसाठी रात्रदिवस करत असलेल्या परिश्रमाबद्दल माझ्या आईने तुमच्या रक्षणासाठी रुद्राक्षाची माळ पाठवली आहे. त्यांनी ज्या श्रद्धेने ती भेट स्वीकारली त्याबद्दल धन्यवाद. देव तुम्हाला सदैव आशीर्वाद देवो. जय हिंद.'
* अनुपम खेर 'ऊचाई' च्या शूटमध्ये व्यस्त
अनुपम खेर 'द काश्मीर फाइल्स' (The Kashmir Files) या चित्रपटामध्ये महत्वाची भूमिका पार पडली आहे. प्रेक्षकांनी या चित्रपटाला भरभरून प्रेम दिले आणि चित्रपटाने जवळपास 200 कोटींची कमाईही केली. हा चित्रपट विवेक अग्निहोत्री यांनी दिग्दर्शित केला होता जो आता दिल्ली फाइल्सबाबत सोशल मिडियावर चर्चेत आहे. अनुपम खेर अनेकदा सोशल मीडिया पोस्टमुळे चर्चेत असतात, नुकताच त्यांचा आई दुलारीसोबतचा एक व्हिडिओ (Video) व्हायरल झाला होता. त्याचवेळी अनुपम 'ऊचाई' या चित्रपटाच्या शूटिंगमध्ये व्यस्त आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
