KGF Chapter 2|अमूल टॉपिकनने साजरा करतोय बॉक्स ऑफिसवरील 'यश'

KGF Chapter 2 या चित्रपटाची प्रेक्षकांमध्ये खूप क्रेझ पाहायला मिळत आहे. चित्रपटाच्या स्टोरीपासून ते दमदार अॅक्शन सीक्वेन्स आणि रॉकी भाईचे दमदार डायलॉग चाहत्यांना खूप आवडत आहे. तसेच हा चित्रपट रिलीज झाल्यापासून कमाईचे नवीन विक्रम करत आहे. एकीकडे KGF 2 हा सर्वात मोठा ओपनिंग चित्रपट ठरला, तर दुसरीकडे या चित्रपटाने आता IMDb (Internet Movie Database) वरही इतिहास रचला आहे. या चित्रपटाला IMDb वर जबरदस्त रेटिंग मिळाले आहे.

देशातील प्रसिद्ध अमूल ब्रॅंडने KGF Chapter 2च्या चित्रपटाचे यश पाहून कौतुक केले आहे. अमूलने आपल्या अधिकृत ट्वीटर (Twitter) अकाऊंटवर फोटो शेअर करत केजीएफचे कौतुक केले आहे. "कुलार मे गोल्ड रखो" असे अमूलने त्या फोटोमध्ये लिहिले आहे.

या चित्रपटाचा पहिला भाग पाहिल्यानंतर प्रेक्षकांना दुसरा भाग पाहण्याची खूप उत्सुकता होती. विशेष म्हणजे या चित्रपटात बॉलिवूड अभिनेता संजय दत्त (Sanjay Dutt) आणि अभिनेत्री रवीना टंडन मुख्य भूमिकेत आहेत. 'KGF 2' हा चित्रपट प्रशांत नील यांनी दिग्दर्शित केला आहे. पहिल्याच दिवशी या चित्रपटाने बॉक्स ऑफिसवर (Box Office) आपली जादू पसरवायाला सुरुवात केली होती. दीडशे कोटींमध्ये बनलेल्या या चित्रपटाने व्यवसायाच्या वेगाने सर्वच चित्रपटांना मागे टाकायला सुरुवात केली आहे.