Chehre: अमिताभ बच्चन, इमरान हाश्मी पहिल्यांदाच एकत्र, चित्रपट थिएटरमध्ये होणार रिलीज

अमिताभ बच्चन (Amitabh Bachchan), इमरान हाश्मी (Imran Hashmi) आणि रिया चक्रवर्ती यांच्या चेहरे (Chehre) या चित्रपटाचे चाहते आतुरतेने वाट पाहत होते. यापूर्वी हा चित्रपट थिएटरमध्ये एप्रिलमध्ये प्रदर्शित होणार होता पण कोरोनामुळे तो पुढे ढकलण्यात आला होता. आता या चित्रपटाची (Bollywood Movie) नवीन रिलीज डेट समोर आली आहे. अमिताभ बच्चन यांनी स्वतः सोशल मीडियावर पोस्ट शेअर करत चाहत्यांना ही आनंदाची बातमी दिली आहे.(Amitabh Bachchan, Imran Hashmi together for the first time in Chehre movie)

अमिताभ बच्चन यांनी एक व्हिडिओ शेअर केला आहे. ज्यात ते म्हणत आहेत की की जर तुमच्यापैकी कोणी गुन्हा किंवा अत्याचार केला असेल तर तुम्ही येथून काळजीपूर्वक निघून जाल. कारण हा खेळ तुमच्यासोबतही खेळला जाऊ शकतो.

हा व्हिडिओ शेअर करताना अमिताभ बच्चन यांनी लिहिले आहे की - सावधान. तुम्हाला इशारा दिला जात आहे. या अनोख्या गेमला सामोरे जाण्यासाठी सज्ज व्हा. कारण हा गुन्हा तुमच्यावरही लादला जाऊ शकतात. चेहरे तुमच्या जवळच्या चित्रपटगृहांमध्ये 27 ऑगस्ट रोजी प्रदर्शित होत आहे.

4 लाखांहून अधिक लोकांनी हा व्हिडिओ लाईक केला आहे.

चेहरेचे निर्माते आनंद पंडित यांनी चित्रपटाच्या रिलीजवर सांगितले की हा चित्रपट थिएटरमध्ये प्रदर्शित होईल याबद्दल माझ्या मनात कोणतीही शंका नाही. चेहरा मोठ्या पडद्यावर एक वेगळी छाप सोडणार आहे. मी चित्रपटगृहांमध्ये ब्लॉकबस्टर चित्रपट बघून मोठा झालो आहे आणि श्री बच्चन यांना मोठ्या पडद्यावर आणणे माझ्या प्रॉडक्शन हाऊससाठी आनंदाचा क्षण आहे.

दिग्दर्शक रुमी जाफरी म्हणाले की, मी उत्साहित आहे कारण आमचा चित्रपट चित्रपटगृहांमध्ये प्रदर्शित होत आहे. त्याचे चित्रीकरण पूर्ण झाले असून त्याचे पोस्ट प्रोडक्शन आहे जे फक्त मोठ्या पडद्यावर जाणवले जाऊ शकते. तसेच, मी प्रेक्षकांना आश्वासन देतो की अमिताभ जी आणि इमरान यांना पहिल्यांदा मोठ्या पडद्यावर एकत्र पाहणे ही एक पर्वणी असणार आहे.

याअगोदरच 'चेहरे' या चित्रपटाचा ट्रेलर रिलीज झाला आहे.जो प्रेक्षकांच्या पसंतीला उतरला आहे . अमिताभ बच्चन आणि इम्रान हाश्मी यांच्यासोबत रिया चक्रवर्तीही या चित्रपटात दिसणार आहे. ट्रेलरमध्ये त्याची एक झलक दाखवण्यात आली होती.