Alia Bhatt: आलियाने स्वत:लाच बार्बी म्हणत शेअर केली पोस्ट; चाहते म्हणाले ही बार्बी तर...

Alia Bhatt: बॉलीवूडची लाडकी अभिनेत्री आलिया भट्ट नेहमीच वेगवेगळ्या कारणांमुळे चर्चेत असते. गेल्या काही दिवसांपासून ती तिच्या वैयक्तिक आयुष्यामुळे चर्चेत आहे. आता मात्र तिने शेअर केलेल्या फोटोंची चांगलीच चर्चा रंगताना दिसत आहे.

सध्या आलिया नेटफ्लिक्सचा टुडुम 2023 हा कार्यक्रम अटेंड करण्यासाठी ब्राझीलला पोहोचली आहे. येथील फोटो तिने आपल्या इंस्टाग्राम अकाऊंटवर पोस्ट केले आहेत. गुलाबी आऊटफीट मध्ये तिने वेगवेगळ्या पोजमध्ये काढलेले फोटो सगळ्यांचे लक्ष वेधून घेत आहेत. मात्र या सगळयात तिने या फोटोंना दिलेले कॅप्शन मात्र हटके आहे.

तिने स्वत:लाच बार्बी म्हटले आहे. कॅप्शन देताना तिने म्हटले आहे की, 'धीस बार्बी इज जेट लॅग्ड'. यावर आता वेगवेगळ्या मजेशीर कंमेंट्सचा पाऊस पडताना दिसत आहे. इरा दुबे कमेंट करुन म्हणते- 'धीस बार्बी इज मॅजिक'.

एका युजरने म्हटले आहे की, या बार्बीपेक्षा कोणतीही बार्बी सुंदर असू शकत नाही. तर एका युजरने म्हटले आहे की, गुडीयाला काय झालं? थोडक्यात आलियाने आपल्या नटखट पोझनी चाहत्यांना कमेंट करण्यासाठी भाग पाडले आहे.

दरम्यान , नजीकच्या भविष्यकाळात हॉलीवूडच्या हार्ट ऑफ स्टोन या डेब्यू फिल्ममध्ये ती आपल्या अभिनयाची झलक दाखवताना दिसणार आहे. आलियाशिवाय या फिल्ममध्ये गाल गाडोट ( Gal Gadot ) आणि जेमी डोरनन ( Jamie Dornan ) देखील दिसून येणार आहेत.