बॉलिवूड अभिनेत्री आलिया भट्टची सासु नीतु कपूर यांचा आज वाढदिवस आहे. सोशल मिडीयावर नीतु कपूर यांना अनेक बॉलिवूड कलाकार वाढदिवसाच्या शुभेच्छा देत आहेत. तर त्यांच्या लाडक्या सुनेने एक खास फोटो शेअर करत नीतू कपूर यांना वाढदिवसाच्या शुभेच्छा दिल्या आहेत. (Neetu kapoor B'Day Special News)
आलिया भट्टने (Alia Bhatt) तिच्या हळदी समारंभातील एक सुदंर फोटो शेअर केला आहे. हा फोटो शेअर करत तिने नीतू कपूर यांच्यासाठी खास बर्थ डे मॅसेज सुद्धा लिहिला आहे. या फोटोत आलिया आणि नीतू कपूर दोघींनी पिवळ्या रंगाचे कपडे घातले आहे. आलियाला हळद लावतांना दिसत आहे. आलियाने फोटो (Photo) शेअर करत लिहल की,”सर्वात सुंदर मनाच्या व्यक्तीला वाढदिवसाच्या शुभेच्छा. माझी सासू, मैत्रीण आणि लवकरच होणाऱ्या आजीला खूप सारं प्रेम”
दरम्यान, नीतू कपूर कुटुंबियांसोबत त्यांचा वाढदिवस लंडनमध्ये (london) साजरा करत आहे. रणबीरच्या (Ranbir) बहिणीने म्हणजेच रिद्धीमाने नीतू यांच्या बर्थ डे सेलिब्रेशनचे काही खास क्षण सोशल मिडीयावर शेअर केले आहेत. ‘हैपिएस्ट बर्थडे लाइफलाइन’ असं म्हणत रिद्धीमानेही आईला शुभेच्छा दिल्या आहेत. नीतू कपूर यांनी नुकतच ‘जुग जुग जियो’ या चित्रपटातून बऱ्याच वर्षांनी बॉलिवूडमध्ये कमबॅक केले आहे. या चित्रपटामध्ये वरुण धवन आणि कियारा आडवाणी मुख्य भूमिकेत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.