घाबरायला, हसायला अन् रडवायला येतोय बच्चन पांडेचा ट्रेलर

अक्षय कुमार लवकरच बच्चन पांडे या चित्रपटात दिसणार आहे. या चित्रपटात अक्षय अशा अवतारात दिसणार आहे ज्याला तुम्ही याआधी कधीही पाहिलं नसेल. आत्तापर्यंत अक्षयचे अनेक पोस्टर चित्रपटातून समोर आले आहेत. पण आता अक्षयने एक नवीन पोस्टर शेअर केले आहे जे सोशल मीडियावर व्हायरल होत आहे. दरवेळेप्रमाणेच यावेळीही अक्षय खूपच हॉरर लूकमध्ये दिसत आहे. मला भाऊ नाही गॉडफादर म्हणतात, असे पोस्टरमध्ये लिहिले आहे. हे पोस्टर शेअर करण्यासोबतच अक्षयने चित्रपटाच्या ट्रेलर रिलीजची तारीखही सांगितली आहे. या पोस्टरमध्ये पेंट शॉपपेक्षाही अनेक रंगछटा आहेत. बच्चन पांडे सगळ्यांना घाबरवायला, हसायला आणि रडायला तयार आहे. या चित्रपटाचा ट्रेलर 18 फेब्रुवारी 2022 रोजी रिलीज होणार आहे.

अक्षयने या चित्रपटात एका गँगस्टरची भूमिका साकारली असून यात क्रिती सेनन आणि जॅकलीन फर्नांडिस मुख्य भूमिकेत आहेत. हा चित्रपट 18 मार्चला होळीच्या मुहूर्तावर प्रदर्शित होणार आहे. चित्रपटाची कथा एका गँगस्टरवर आधारित आहे ज्याला अभिनेता व्हायचे आहे. त्याचबरोबर या चित्रपटात क्रिती एका पत्रकाराची भूमिका साकारत आहे जिला दिग्दर्शक बनायचे आहे. या चित्रपटात पंकज त्रिपाठी आणि प्रतिक बाबरही महत्त्वाच्या भूमिकेत दिसणार आहेत.

निश्चय कुट्टांडा यांनी या चित्रपटाचे लेखन केले असून फरहाद सामजी यांनी दिग्दर्शन केले आहे. यापूर्वी हा चित्रपट गेल्या वर्षी ख्रिसमसच्या मुहूर्तावर प्रदर्शित होणार होता परंतु नंतर कोविडच्या वाढत्या प्रकरणांमुळे चित्रपटाचे प्रदर्शन पुढे ढकलण्यात आले. रिपोर्ट्सनुसार, या चित्रपटाचे संपूर्ण शूटिंग चित्रपटाच्या टीमने अवघ्या 55 दिवसांत पूर्ण केले. तसेच त्याचे शूटिंग कोविड दरम्यान पूर्ण झाले आहे.

या चित्रपटाशिवाय अक्षयचे अनेक चित्रपट रिलीजसाठी सज्ज आहेत. तो पृथ्वीराज, रक्षाबंधन, राम सेतू, ओह माय गॉड 2 मध्ये दिसणार आहे. पृथ्वीराजमध्ये अक्षयसोबत मानुषी छिल्लर मुख्य भूमिकेत आहे. या चित्रपटातून मानुषी बॉलिवूडमध्ये पदार्पण करत आहे. रक्षाबंधनमध्ये अक्षयसोबत भूमी पेडणेकर दिसणार आहे. राम सेतूमध्ये अक्षयसोबत जॅकलिन आणि नुसरत भरुचा मुख्य भूमिकेत दिसणार आहेत.