Ajay Devgan: अभिनेता अजय देवगण याने त्याच्या आगामी 'दृश्यम 2' या चित्रपटाचा फर्स्ट लूक शेअर केला आहे. या चित्रपटाचे पहिले पोस्टर रिलीज करण्यात आले आहे. या पोस्टरमध्ये अजय देवगण टफ लूकमध्ये दिसत असून त्याच्या हातात फावडे देखील आहे. हा चित्रपट १८ नोव्हेंबर रोजी रीलीज होणार आहे.
'दृश्यम'च्या यशानंतर अजय देवगण आता 'दृश्यम 2' घेऊन आला आहे. काही दिवसांपुर्वीच अजयने या चित्रपटाचा रीकॉल टीझर शेअर केला होता. त्यात दृश्यमच्या पहिल्या भागात घडलेली कहानी थोडक्यात दाखवली होती. त्याला लोकांचा मोठा प्रतिसाद लाभला होता. त्यानंतर चित्रपटातील तब्बूचा लूकदेखील समोर आला होता.
त्यानंतर चित्रपटातील अक्षय खन्नाचाही लूक समोर आला होता. आणि आता मुख्य भुमिकेतील विजय साळगावकर म्हणजे अजय देवगणचा लूक समोर आला आहे. अजयने हे पोस्टर शेअर करताना लिहिले आहे की, तुमच्या नजरेसमोर काय सुरू आहे हे महत्वाचे नाही, तुम्ही काय पाहत आहात हे महत्वाचे आहे.
या चित्रपटात अक्षय खन्नाचीही महत्वाची भूमिका असणार आहे. त्याच्या फर्स्ट लूकनेही अनेकांना आश्चर्याचा धक्का बसला होता. अक्षयने स्वतःचा लूक सोशल मीडियातून शेअर कॅप्शन दिली होती की, शत्रुला पराभूत करण्याची संधी बऱ्याचदा शत्रु स्वतःच देत असतो.
दरम्यान, तब्बूची भूमिका या चित्रपटात छोटी असेल, असे वाटते. या चित्रपटात श्रिया सरन आणि इशिता दत्ता यांच्याही भूमिका असणार आहेत. 'दृश्यम 2' हा मूळ मल्याळम 'दृश्यम 2' चा रीमेक आहे. मूळ चित्रपटात अभिनेते मोहनलाल यांनी प्रमुख भूमिका साकारली आहे. अजय देवगणचा पहिला 'दृश्यम' देखील मोहनलाल यांच्या मूळ 'दृश्यम'चाच रीमेक होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.