Emergency नंतर कंगनाच्या पदरात आणखी एक राजकीय थ्रिलर! या दिग्दर्शकासोबत करणार काम

Kangana Ranaut Emergency: सध्या अभिनेत्री कंगना राणौत तिच्या आगामी 'इमर्जन्सी' चित्रपटामुळे चर्चेत आहे. या चित्रपटात कंगना दिवंगत पंतप्रधान इंदिरा गांधी यांची भूमिका साकारताना दिसणार आहे. दरम्यान कंगनाच्या हातात आणखी एक प्रोजेक्ट आला आहे. ती लवकरच दिग्दर्शक मधुर भांडारकरच्या चित्रपटात दिसणार आहे. मिळालेल्या माहितीनुसार मधुर भांडारकर कंगना राणौतसोबत चित्रपट बनवण्याच्या तयारीत आहे. हा एक राजकीय थ्रिलर चित्रपट असेल.

कंगना राणौतचा शेवटचा रिलीज झालेला चित्रपट 'धाकड' बॉक्स ऑफिसवर फारशी कमाल दाखवू शकला नाही . पण, यानंतरही कंगनाकडे कामाची कमतरता नाही. 'पेज 3' फेम दिग्दर्शक मधुर भांडारकर एक चित्रपट बनवणार आहे. हा चित्रपट दहशतवाद्यांनी मारलेल्या काश्मिरी गायकाच्या खऱ्या आयुष्यावर आधारित असणार आहे.

रिपोर्ट्सनुसार, 'बबली बाऊन्सर' नंतर हा चित्रपट महिलावर केंद्रित असेल. या चित्रपटात मधुर भांडारकरने कंगना राणौतला मुख्य भूमिकेसाठी कास्ट केले आहे. मधुर भांडारकर त्यांचा 'बबली बाऊन्सर' चित्रपट प्रदर्शित झाल्यानंतर हा चित्रपट बनवणार असल्याचीही बातमी आहे. तमन्ना भाटिया भांडारकर यांच्या 'बबली बाऊन्सर' चित्रपटात मुख्य भूमिकेत दिसणार आहे. हा चित्रपट ओटीटीवर प्रदर्शित होणार आहे. यामध्ये तमन्नाशिवाय सौरभ शुक्ला देखील दिसणार आहे.

कंगनाच्या 'इमर्जन्सी' चित्रपटाविषयी बोलायचे झाले तर ' इमर्जन्सी' 2023 मध्ये प्रदर्शित होणार आहे. या चित्रपटाचा फर्स्ट लूकही समोर आला आहे. कंगना इंदिरा गांधींच्या भूमिकेत खूपच आकर्षक दिसते. कंगणाच्या या भूमिकेचे मोठे कौतूकही होत आहे. कंगनाने स्वत: या चित्रपटाचे दिग्दर्शन केले आहे. हा चित्रपट 25 जून 2023 रोजी प्रदर्शित होणार आहे.