अभिनेता अरमान कोहली (Armaan Kohli) याला अमली पदार्थ (drugs) बाळगल्या प्रकरणी पोलिसांकडून अटक (arrested) करण्यात आली होती. दरम्यान अरमान कोहली याने जामिनासाठी कोर्टाकडे अर्ज केला असता, शनिवारी, मुंबईतील अतिरिक्त मुख्य महानगर दंडाधिकारी न्यायालयाने (Additional chief metropolitan magistrate court) ही जामीन याचिका फेटाळली आहे.
अरमान कोहलीला बुधवारी ड्रग्स प्रकरणात एनसीबी (NCB) कोठडी संपल्यानंतर 14 दिवसांची न्यायालयीन कोठडी सुनावण्यात आली, त्यानंतर त्याने कोर्टापुढे जामीन अर्ज केला. अरमान कोहलीला बुधवारी (1 सप्टेंबर) त्याच्या एनसीबी (NCB) कोठडीच्या शेवटी न्यायालयात हजर करण्यात आले. एनसीबीने कोठडीमध्ये वाढ केली नसल्याने एसीएमएम (MCMM) न्यायालयाने त्याला न्यायालयीन कोठडी सुनावली.
या कलम अंतर्गत गुन्हा दाखल
याआधी, एनसीबीने न्यायालयाला सांगितले की, अरमान कोहली यांच्या घरी टाकलेल्या एका छाप्यादरम्यान त्याच्या घरातून एक ग्रॅमपेक्षा जास्त कोकेन जप्त केले आहे. आणि अरमानकोहलीचे आंतरराष्ट्रीय ड्रग सिंडिकेटशी संबंध असल्याचे सिद्ध करण्यासाठी पुरेसे पुरावे आमच्या कडे आहेत. एनसीबीने 28 ऑगस्ट रोजी अरमान कोहलीला अटक केली कारण त्याच्या घरातून अमली पदार्थांचा साठा मिळाला होता या नंतर त्याची कसून चौकशी करण्यात आली होती, त्याच्यावर एनडीपीएस (मादक द्रव्ये आणि सायकोट्रॉपिक पदार्थ) कायद्याच्या कलम (21 (अ), 27 (अ), 28, 29, 30, आणि 35) अंतर्गत गुन्हा दाखल करण्यात आला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
