वैशाली ठक्कर : 'ये रिश्ता क्या कहलाता है' स्टार वैशाली ठक्करने नुकतीच आपली जीवनयात्रा संपवली. वैशाली ठक्कर हिने आत्महत्येपूर्वी सुसाईड नोटही लिहिली होती. वैशाली ठक्कर हिने नाते तुटल्याच्या दु:खाला कंटाळून आत्महत्या केल्याचे समजते.
सुशांत सिंग राजपूत : टीव्हीवरून बॉलिवूडमध्ये धुमाकूळ घालणाऱ्या सुशांत सिंग राजपूतने 14 जून 2020 रोजी गळफास लावून घेतला. सुशांत सिंग राजपूतच्या मृत्यूनंतर बराच गदारोळ झाला होता. सुशांत सिंग राजपूतची हत्या झाल्याचा दावा लोकांनी केला. या प्रकरणामुळे सुशांत सिंह राजपूतची गर्लफ्रेंड रिया चक्रवर्तीलाही तुरुंगाची हवा खावी लागली होती. सुशांतने वयाच्या 34 व्या वर्षी हे जग सोडले.
कुशल पंजाबी : कुशल पंजाबी यानेही कौटुंबिक वादातून आपला जीव दिला. 27 डिसेंबर 2019 रोजी कुशल पंजाबीचा मृतदेह त्याच्या घरी लटकलेल्या अवस्थेत आढळला होता. या बातमीने संपूर्ण टीव्ही जगाला हादरवून सोडले. कुशलने आत्महत्या केली तेव्हा तो केवळ 42 वर्षांचा होता.
प्रत्युषा बॅनर्जी : टीव्हीची एक चांगली अभिनेत्री प्रत्युषा बॅनर्जीने एप्रिल 2016 मध्ये आत्महत्या केली होती. प्रत्युषा बॅनर्जीने वयाच्या 24 व्या वर्षी गळफास लावून घेतला. प्रत्युषा बॅनर्जीने प्रियकराला कंटाळून आत्महत्या केल्याचे समजते.
समीर शर्मा : 'कहानी घर घर की', 'इस प्यार को क्या नाम दूं' आणि 'ये रिश्ते हैं प्यार के' सारख्या शोमध्ये काम करणारा समीर शर्मा त्याच्या घरात मृतावस्थेत आढळला. समीर शर्मा यांनी आत्महत्या केली. वयाच्या 44 व्या वर्षी त्यांनी आपले जीवन संपवले. मात्र, समीर शर्माने कोणत्या कारणामुळे आत्महत्या केली हे आजपर्यंत कोणालाही कळू शकलेले नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.