Prabhas Kriti Sanon Relationship: प्रभास-कृती यांच्या डेटिंगबद्दल काय म्हणाला वरूण धवन?

Varun Dhawan On Prabhas Kriti Relationship: बी टाऊनमध्ये गेल्या काही काळापासून अभिनेता प्रभास आणि अभिनेत्री कृती सेनन यांच्या रिलेशनशिपची चर्चा सुरू आहे. या कथित कपलच्या रिलेशनशिपबाबत आता चक्क अभिनेता वरूण धवननेच हिंट दिली आहे. वरूणचा याबाबतचा एक व्हिडिओ सोशल मीडियात व्हायरल झाला आहे.

वरूण धवन आणि कृती सेनन यांचा ‘भेड़िया’ हा चित्रपट नुकताच रीलीज झाला आहे. वरूण आणि कृती दोघेही या चित्रपटाच्या प्रमोशनमध्ये व्यग्र आहेत. त्यातच एका व्हिडिओमध्ये वरूणने कृती आणि प्रभासच्या यांच्यातील नात्यावर भाष्य केले आहे. ‘झलक दिखला जा’ या डान्स रिअॅलिटी शोमधील हा व्हिडिओ असून येथे वरूण आणि कृती आपल्या चित्रपटाच्या प्रमोशनसाठी गेले होते.

या व्हिडिओत या शोचा जज करण जोहर वरूणला विचारतो की, यात कृतीचे नाव का नाही. त्यावर कृतीही म्हणते की, मी देखील हाच प्रश्न विचारणार होतो. पण त्यावर वरूण म्हणतो की, यावर कृतीचे नाव नाही कारण तिचे नाव कुणाच्या तरी मनात आहे. त्यावर करन जोहर विचारतो की, कुणाच्या मनात. त्यावर वरूण म्हणतो की, एक व्यक्ती आहे, जो मुंबईत नाही. तो सध्या दीपिकासोबत शुटिंग करत आहे. वरूणच्या या उत्तरावर कृती सेनन ब्लश करू लागली. तिच्या चेहऱ्यावर एक वेगळाच आनंद पाहायला मिळाला.

हा व्हिडिओ सोशल मीडियात व्हायरल झाला आहे. त्यामुळे प्रभास आणि कृती सध्या रिलेशनशिपिमध्ये असल्याच्या चर्चांना पुन्हा जोर आला आहे. नुकताच कृतीने एक व्हिडिओ शेअर केला होता, त्यामध्ये प्रभासने कृतीला डार्लिंग म्हटले होते. तथापि, दोघे एकमेकांना डेट करत आहे की नाहीत, याबाबत दोघांनीही चुप्पी साधली आहे. प्रभास आणि कृती दोघेही ओम राऊत दिग्दर्शित 'आदिपुरूष'मध्ये एकत्र काम करत आहेत. या चित्रपटाच्या सेटवरच दोघांमध्ये रिलेशनशिपला सुरवात झाल्याचे सांगितले जात आहे. हा चित्रपट पुढील वर्षी रीलीज होणार आहे.