Akluj: अकलूजमधील (ता. माळशिरस) एका युवकाने चक्क दोन मुलींशी लग्न केले आहे. विशेष म्हणजे या दोन्ही मुली जुळ्या बहिणी आहेत. या लग्नाची सध्या सोशल मीडियावर जोरदार चर्चा होत आहे. पण, नवरदेवाच्या आनंदावर लग्नानंतर लगेच विरजण पडले आहे. याप्रकरणी नवरदेवाच्या विरोधात अकलूजमध्ये गुन्हा दाखल झाला आहे.
(Twin sisters from Mumbai get married to same man in Solapur)
अतुल अवताडे या महाळुंग परिसरात राहणाऱ्या तरुणाने 2 डिसेंबर रोजी अकलूज जवळील गलांडे हॉटेलमध्ये एकाच मांडवात रिंकी पाडगावकर आणि पिंकी पाडगावकर या दोन जुळ्या बहिणींशी विवाह केला. याप्रकरणी माळेवाडी येथील राहुल फुले यांनी तक्रार दाखल केली आहे. नवरदेवाच्या विरोधात भारतीय दंड संहिता 1860 च्या 494 कलमानुसार अकलूज पोलीस ठाण्यात NCR दाखल झाला आहे.
अतुलचा मुंबई येथे ट्रॅव्हल्सचा व्यवसाय आहे. सहा महिन्यांपूर्वी उच्चशिक्षित पिंकी, रिंकी आणि त्यांची आई आजारी पडल्यानंतर अतुलने रुग्णालयात त्यांची काळजी घेतली होती. यातून त्यांचे प्रेम जुळले आणि नातेवाईकांच्या संमतीने काल हा विवाह अकलूज मध्ये पार पडला. इंजिनीअर असणाऱ्या रिंकी आणि पिंकी जुळ्या बहिणी असून, या दोघींचं शिक्षण एकत्रित झालं. त्यानंतर एकाच आयटी कंपनीत नोकरी देखील करतात.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
